EFESIOS 5:26 - Dios Rimashcata Quillcashcami

²⁶ Diospaclla tucushpa causachunmi Cristoca tandanacushca criccunataca yacuhuanpish, pai rimashca shimihuanpish chuyayachirca.

Nuevo Testamento en Quichua Cañar 1996

²⁶ Cristoca tandanacushca criccunataca yacuhuanpish, pai rimashca shimihuanpish chuyayachishcami. Diospaclla tucushpa causachunmi, paicunamanta Cristoca huañurca.

EFESIOS 5:26 Iomraidhean Croise

EZEQUIEL 16:9

Cantaca yacuhuan armachishpa, yahuarhuan mapayashcata maillashpami aceitehuan cahuircani.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

LEVÍTICO 14:11

Chaicunata apamucpimi, lepramanta chuyayachic curaca Dios-huan tupana huasipi, Diospac ñaupapi cungapac apamushcacunandi churashpa rupachinga.

LEVÍTICO 16:30

Cai punzhaca juchata pichachun Mandac Dios ñucaman animalta cushpa huañuchina punzhami canga. Chai punzhapimari ñucapac ñaupapi cancunaca jucha illac saquiringuichic.

LEVÍTICO 8:6

Chai quipami Moisesca Aarontapish, paipac churicunatapish cayashpa, yacuhuan armachishpa,

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

SAN JUAN 13:10

Shina nicpimi Jesusca: —Maijanpish ña armarishcaca chuyanllami, ashtahuanpish chaquillatami jahuana can. Cancunaca ña chuyanllami canguichic. Shina cashpapish, mana tucuichu chuyanlla canguichic— nirca.

SAN JUAN 15:3

Cancunaca ñuca yachachishcata uyashcamantaca, ñami chuyayashca canguichic.

SAN JUAN 15:8

Chashna alli pucuc ramacuna shina cacpimi, ñuca Taitaca jatunyachishca canga. Shinallatac ñuca yachacuccuna cashcatapish ricuchinguichicmi.

SAN JUAN 17:7

Cunanca tucui ñucaman cushcacunaca, canmanta shamushca cashcatami yachancuna.

SAN JUAN 3:5

Shina nicpimi Jesusca: —Maijanpish yacumanta, Diospac Espiritumanta mana huacharicca, Dios mandacucmanca manatac yaicungachu. Chaica chashnatacmi canga.

HECHOS 22:16

Cunanca mana unayashpa, jatarishpa bautizari. Cambac juchacunata Dios perdonashpa, chuyayachichun, Apunchic Jesusta mañai” nirca.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

ROMANOS 10:8

Shina cacpica, ¿imatatac Diospac shimica nin? Chaica: «Dios rimashcaca cambac cuchupimi, cambac shimipimi, cambac shungupimi» ninmi. Caimi crinamanta alli huillaita huillashca:

1 CORINTIOS 6:11

Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

2 CORINTIOS 11:2

Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

EFESIOS 6:17

Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 10:10

Ñucanchicta jucha illacta ruhuangapacmi Jesucristoca Dios munashca shina, shuc cutinlla huiñaipac huañurca.

HEBREOS 10:14

Paica shuc cutinlla huañushpami, huiñaipac paipaclla caccunata jucha illacta ruhuarca.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

HEBREOS 13:12

Chashnallatacmi Jesuspish gentecunapac juchacunata anchuchingapacca, pueblomanta carupi paipac yahuarta jichashpa, llaquita apashpa huañurca.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

1 PEDRO 1:2

Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

2 PEDRO 1:9

Ashtahuanpish caicunata mana charicca caruta ñahui mana ricuc shinami, ñaupa pai ruhuashca juchacunamanta chuyayachishcatapish cungarishca.

1 JUAN 5:6

Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

SAN JUDAS 1:1

Jesucristopacta ruhuac, Santiagopac huauqui Judasmi, Dios cuyashpa cayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.