EFESIOS 4:9 - Dios Rimashcata Quillcashcami

⁹ «Jahuaman rirca» nishpaca, ¿imatatac nisha nin? Shina nishpaca, cai allpa pachamanrac urai shamushcatami nisha nin.

Nuevo Testamento en Quichua Cañar 1996

⁹ “Jahuaman rirca” nishpaca, ¿imatatac nisha nin? Shina nishpaca, cai allpa pachamanrac urai shamushcatami nisha nin.

EFESIOS 4:9 Iomraidhean Croise

GÉNESIS 11:5

Chaimantami Mandac Diosca runacuna ruhuacuc pueblotapish, jatun torretapish ricungapac urai shamurca.

SALMOS 139:15

Ñuca pacalla huiñacushpapish, cambac ñaupapica, mana pacallachu carcani. Allpa ucupi shina huiñacushpapish, mana pacalla cai pudircanichu.

SALMOS 63:9

Ashtahuanpish ñuca causaita tucuchingapac mashcaccunaca, allpa ucumanmi urmangacuna.

SALMOS 8:5

Runataca ashallamantami, mana angelcunata shina ruhuashcangui. Jatun canatapish, alli nishca canatapish coronata shinami cushcangui.

ÉXODO 19:20

Mandac Diosca Sinaí urcu jahuaman shamushpami, Moisesta cayarca. Chashna cayacpimi, Moisesca chai urcu jahuaman huichai rirca.

PROVERBIOS 30:4

¿Pitac jahua pachaman rishpa, cutimushcayari? ¿Pitac maquipi huairata tandachishcayari? ¿Pitac yacuta montonashpa chari pudishcayari? ¿Pitac cai pachataca muyundita ruhuashcayari? ¿Paica ima shutitac canyari? ¿Paipac churipac shutitaca yachanguichu?

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

EZEQUIEL 31:14

Chaica, ima yurapish mashnata parcushca cashpapish ama yalli jatun tucuchun, yura ñahuipish shuctac yuracunata ama atichun, yacuhuan cashpapish ama yalli huiñachunmi chashnaca tucunga. Tucui yurami huañushpa, cai pacha allpa ucupi caccunahuan pacta cangapac ringa.

SAN MATEO 12:40

Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca ñucallami jahua pachamanta shamurcani. Ñucami jahua pachapi causacca cani.

SAN JUAN 6:33

Dios cushca tandaca jahua pachamanta shamucmi. Chai tandami cai pachapi causaccunaman huiñai causaita cun— nirca.

SAN JUAN 6:38

Mana ñuca munashcata ruhuangapacchu jahua pachamanta shamurcani, ashtahuanpish ñucata cachac Taita munashcata ruhuangapacmi shamurcani.

SAN JUAN 6:41

Jesús: «Ñucami jahua pachamanta shamushca tandaca cani» nishcamantami, israelcunaca Jesusta piñai callarircacuna.

SAN JUAN 6:51

Ñucami jahua pachamanta shamushca, causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

SAN JUAN 6:58

Caimi jahua pachamanta shamushca tandaca. Cai tandaca mana cancunapac ñaupa taitacuna micushca maná tanda shinachu. Paicunaca chai tandata micushpapish huañurcami. Maijanpish cai tandata micucca, huiñai causaitami charinga— nirca.

SAN JUAN 6:62

Runa Tucungapac shamushca ñuca ñaupa maipi cashcaman ricta ricushpaca, ¿imashi tucunguichic?

SAN JUAN 8:14

Shina nicpimi Jesusca: —Ñucaca maimanta shamushcatapish, maiman ricushcatapish yachanimi. Chaimantami ñucallamanta huillacushcapish, mana yangalla can. Ashtahuanpish cancunaca ñuca maimanta shamushcatapish, maiman ricushcatapish mana yachanguichicchu.

HEBREOS 2:7

Runataca ashallamantami mana angelcuna shinata ruhuashcangui. Jatun mandacta shina nishcatami ruhuashcangui, alli nishcatami ruhuashcangui. Can imata ruhuashcacunata mandactapish paitaca ruhuashcanguimi.

HEBREOS 2:9

Ashtahuanpish Jesusta, ashacamanlla angelcunamanta asha yangallata ruhuashpapish, llaquita apashpa huañushcamantami sumacyachishca, alli nishcata ruhuashca. Chaica, Dios cuyashcamantami, Jesusca tucuipac allipac huañurca.