EFESIOS 4:4 - Dios Rimashcata Quillcashcami

⁴ Diospac Espirituca shucllami. Tandanacushca criccunapish shuc cuerpo shinami can. Diospish cancunata shuclla japina cashcata cushicushpa shuyachunmi cayarca.

Nuevo Testamento en Quichua Cañar 1996

⁴ Diospac Espirituca shucllami. Chaimantami tandanacushca criccunaca shuc cuerpo shinalla can. Taita Diospish cancunata shuclla japina cashcata cushicushpa shuyachunmi c'ayarca.

EFESIOS 4:4 Iomraidhean Croise

SALMOS 122:8

Ñuca huauquicunamantapish, ñuca ricsishcacunamantapish ñucaca: «Cushi causai canhuan cachun» ninimi.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JEREMÍAS 17:7

Ashtahuanpish Mandac Dios ñucata shuyashpa causacca alli nishcami canga.

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.

HECHOS 15:11

Ashtahuanpish Apunchic Jesús cuyashcallamantami, ñucanchicpish, paicuna shinallatac quishpichishca cashun. Chaitami crinchic— nirca.

ROMANOS 11:29

Diosca imata cushpapish mana quichunchu. Cayashpapish mana cungarinchu.

1 CORINTIOS 10:17

Taucacuna cashpapish, tucui mashna chai tandallatatac micushpaca, tucui criccunami shuc cuerpo shina canchic.

1 CORINTIOS 12:20

Chashna cuerpopi chican chican partecuna tiyacpipish, cuerpoca shucllami.

2 CORINTIOS 11:4

Maijanpish ñucanchic huillashca Jesusmanta shuctaclayaman huillangapac chayacpi, cancuna chasquishca Espiritumanta shuctaclaya espiritutapish, cancuna chasquishca alli huillaimanta shuctaclaya huillaitapish cancunaca chasquinguichicllami.

EFESIOS 1:18

Cancuna pai cayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa mañani.

EFESIOS 2:16

Cristoca cruzpi huañushpami, israelcunahuan mana israelcunahuan piñanacushcata allichishpa, shuc shinallatac ruhuashpa, Dios-huan alli tucuchun saquirca.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Diospacman cuchuyanata pudinchic.

EFESIOS 2:22

Shinallatacmi cancunapish Jesucristohuan shuc shinalla cashpaca, tucuilla tandanacushpa, Diospaclla cac huasi shina tucunguichic. Chashna cacpica Diosmi paipac Espiritumanta chaipi causacun.

EFESIOS 4:1

Ñuca Apunchic Jesuspacta ruhuacushcamanta prezu tiyacushpami cancunataca: Dios ima shina causachun cayashca shina causaichic.

EFESIOS 5:30

Ñucanchicca Jesucristopac cuerpo, partecunami canchic.

COLOSENSES 1:5

Cashcata nic alli huillaita uyashpami, cancunaca jahua pachapi Dios huacaichishcata tucui shunguhuan cringuichic.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

1 TIMOTEO 1:1

Ñucanchicta Quishpichic Dios, shinallatac Apunchic Jesucristo mandashcamanta, ñucanchic shunguta churashpa shuyana Apunchic Jesucristo acllashca apóstol Pablomi,

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

TITO 3:7

Dios yallita cuyashpami, paihuan alli tucushpa, ñucanchic shuyacushca huiñai causaita japichun chashnaca ruhuarca.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

1 JUAN 3:3

Maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchurin.