EFESIOS 4:28 - Dios Rimashcata Quillcashcami

²⁸ Shuhuac cashpapish shuhuanata saquishpa, trabajanata yuyaichic. Shina quiquin maquihuan trabajashpami, huacchacunaman imata cungapacpish charinguichic.

Nuevo Testamento en Quichua Cañar 1996

²⁸ Shuhua cashpapish shuhuanata saquishpa, trabajanata callarichic. Shina quiquin maquihuan trabajashpami, imata huacchacunamanca cunata charinguichic.

EFESIOS 4:28 Iomraidhean Croise

JOB 34:32

Ñuca mana ricushcacunata yachachi, ñaupaman mana alli ruhuashcacunata, ña mana ashtahuan ruhuashachu” ninami cangui.

ÉXODO 20:15

Ama shuhuangui.

ÉXODO 20:17

Ama shucpac huasita munangui. Shucpac huarmitapish, servicpac huarmitapish, canta servic huarmitapish, shucpac huagratapish, shucpac burrotapish, ima shuctac charishcatapish ama munangui» nishpami mandarca.

ÉXODO 21:16

Maijanpish shuc runata shuhuashpa, catushca cashpa, mana cashpaca paipac maquipi charicushpaca, chai runaca huañunami can.

PROVERBIOS 13:11

Cungailla charishcacunaca utcami tucurin. Ashancaman, ashancaman charishcacunaca achcayashpami catin.

PROVERBIOS 14:23

Ima trabajota ruhuashpapish japinmi. Ashtahuanpish rimashpalla causaccunaca huacchami causancuna.

PROVERBIOS 21:26

Punzhanta imacunata munashpami causan. Ashtahuanpish cashcata ruhuac runaca mana misashpa carangapacpish charinmi.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

PROVERBIOS 30:9

Pacta huicsa pactata micushpa, canta cungarishpaca: «¿Mandac Diosca pitacyari?» niman. Pacta huacchayashpa shuhuashpa, ñuca Diospac shutita mana alli niman.

PROVERBIOS 31:20

Huacchacunamanpish, imata mana chariccunamanpish maquita chutashpami caran.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

ZACARÍAS 5:3

Shina nicpimi angelca: —Chaipica tucui cai pachapi causaccuna llaqui tucunatami quillcashca. Chai pillushca carapi shuc ladopi nicushca shinallatacmi shuhuaccunaca tucuchinga. Caishuc ladopi imata nicushca shinallatacmi llullashpa ari niccunapish tucuchinga.

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

SAN LUCAS 3:8

Grano allita pucucuc shina, Diosman cutirishca cashcataca ricuchichicyari. Ama cancunapac shungupi: “Abrahampac huahua huahuacuna cashcamantaca quishpirishunllami” nishpa yuyacuichicchu. Ñucaca ninmi: Dios cai rumicunatapish Abrahampac huahua huahuacunata ruhuanmanllami.

SAN JUAN 12:6

Judasca mana huacchacunata llaquishcamantachu chaitaca nirca, ashtahuanpish shuhuac cashcamantami chashna nirca. Paimi cullquita tandashpa huacaichic carca. Chashnami maijan cutinca shuhuac carca.

SAN JUAN 13:29

Judasca cullquita tandacmi carca. Chaimantami maijan yachacuccunaca: «Judastami fiestapac imallata randichun nicunga, mana cashpaca, huacchacunaman cullquita cuchunmi nicunga» nishpa yuyacurca.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

1 CORINTIOS 4:12

Ñucanchic quiquin maquihuan trabajashpami yallita shaicushcanchic. Ñucanchicta rimaccunataca Dios bendiciachun mañanchicmi. Llaquichicpipish, chai llaquita apanchicllami.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

2 CORINTIOS 8:2

Paicunaca llaquicunata apacushpapish, cushillami carcacuna. Shinallatac imata mana chariccuna cashpapish, chayuccuna shinami cullquitaca mana misarishpa curcacuna.

GÁLATAS 6:10

Chaimanta imata ruhuanalla cacpica, tucuiman allita ruhuashpa catishunlla. Tucuimanta yallica criccunaman allita ruhuashun.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

TITO 3:14

Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.

TITO 3:8

Cai rimashcacunaca chashnatacmi can. Diosta criccuna allicunallata ruhuashpa causachunca, allitami yachachina cangui. Cai alli ruhuaicunaca tucuipacmi alli can.