EFESIOS 4:26 - Dios Rimashcata Quillcashcami

²⁶ Imamanta piñarishpapish, ama juchallichicchu. Piñarishpapish, ama tucui punzha piñashcalla caichicchu.

Nuevo Testamento en Quichua Cañar 1996

²⁶ Imamanta p'iñarishpapish, ama juchallichicchu. P'iñarishpapish, ama tucui punzha p'iñashcalla caichicchu.

EFESIOS 4:26 Iomraidhean Croise

SALMOS 37:8

Yallita piñarinata cungaringui. Chai piñarina yuyaita saquingui. Mana allita ruhuanataca amatac munanguichu.

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

ÉXODO 11:8

Chaimantami tucui canta serviccunaca ñucapac ñaupapi cungurishpa: “Canpish, tucui canta caticcunapish llucshishpa richic” ninga. Chai quipaca ñucapish rishallami— nirca. Shina nishpami, Moisesca yallita piñarishpa, Faraonpacmanta llucshirca.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

PROVERBIOS 19:11

Alli yuyaiyuc runaca piñarishpapish jarcarinmi. Piñaccuna rimacpipish upalla tucushpa, alli nishca canallatami munan.

PROVERBIOS 25:23

Jahua ladota huaira shamushpaca, tamyatami apamun. Imatapish rimac runaca piñachishpami saquin.

ECLESIASTÉS 7:9

Piñarina atichunca ama saquinguichu. Mana entendic runapac yuyaipimi piñarina yuyaica tiyan.

NÚMEROS 20:24

«Aaronca huañushpa ñaupa aillucunahuan tandarigrinmi. Paica israelcunaman ñuca cushca llactamanca mana yaicungachu. Meriba yacupi ñuca mandashcata mana cazushcamantami chai llactamanca mana yaicunga.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

MARCOS 10:14

Jesús chaita ricushpa, yachacucuccunahuan piñarishpaca: —Huahuacuna ñucapacman shamuchunca saquichiclla, ama jarcaichicchu. Cai huahuacuna shinacunami Dios mandacucmanca yaicunga.

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

DEUTERONOMIO 24:15

Trabajac runamanca manarac inti tigracpi, chai punzhallatac paganguichic. Paica huacchami, chai pagana cullquillatami charin. Chashna pagacpica, cancunata Mandac Dios llaquichichun mana mañangachu. Shina mana mañacpica, juchayucchu tucunguichic.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.

SANTIAGO 1:20

Pipish piñaricca, Dios munashcataca mana ruhuanchu.

1 SAMUEL 20:34

Chaimantami Jonatanca mizamanta munai piñarishpa jatarirca. Davidta paipac taita rimarishcamantami munai llaquirishpa, chai llullu quilla cayandi punzhapish mana micurca.