EFESIOS 4:24 - Dios Rimashcata Quillcashcami

²⁴ Cancuna mushuc churanata churaric shina, Dios mushucyachishca causaichic. Shina causashpami, cashcata nic huillashca shina Diospaclla tucushpa, allillata ruhuashpa, shuccunamanpish ricuchinguichic.

Nuevo Testamento en Quichua Cañar 1996

²⁴ Cancuna mushuc churanata churaric shina, Taita Dios mushucyachishca causaichic. Shina causashpami, cashcata nic huillashca shina Diospaclla tucushpa, allillata ruhuashpa, shuccunamanpish ricuchinguichic.

EFESIOS 4:24 Iomraidhean Croise

GÉNESIS 5:1

Caicunami Adanpac huahua huahuacunapac shuticunaca. Diosca runata ruhuashpaca, pai shinatami ruhuarca.

JOB 29:14

Ñucaca churanata churaric shinami cashcata ruhuashpa causarcani. Chaimi ñucataca pilluchirca. Ñucapac jahualla churana shinaca, allita ruhuanami carca.

ISAÍAS 52:1

¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

ISAÍAS 59:17

Cashcata ruhuanataca fierro churanata shina, quishpirinataca cascota shinami, umapi churarirca. Paita mana cazushca shinallatac llaquichinataca churanata churaric shinami churarirca. Yallita cuyaihuanmi jahualla churaric shina taparirca.

SAN LUCAS 1:75

Tucui ñucanchic causaipi paipac ñaupapi allillata ruhuashpa, causachunmi, chashna cacharichinga.

SAN JUAN 17:17

Paicunata cambaclla cachun cambac rimashca shimihuan millaimanta huacaichingui. Canca cashcata nicmi cangui.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

ROMANOS 13:12

Tutapish ñami pacarimugrin. Chaimanta amsapi mana allicunata ruhuashpa causanata saquishpa, achicta churaric shina, allita ruhuaichic.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 6:4

Diosca, paipac poderhuanmi Cristota huañushcacunapuramanta causachirca, chai shinallatacmi ñucanchicpish mushuc causaita causangapac bautizarircanchic. Shinallatac Cristo huañushca shina huañungapac, pai enterrarishca shina enterraringapacmi bautizarircanchic.

ROMANOS 7:6

Cunanca huatashpa charicuc mandashcacunamanta cacharirishpami, chai mandashcacunapacca huañushca shina canchic. Shinami Diospac Espíritu mushuc yuyaita cucpi, Diosta servishpa causacunchic. Ñaupa quillcashca mandashcacuna causanamanta cacharichishcami canchic.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

1 CORINTIOS 15:53

Ismuclla cuerpoca mana ismuclla cuerpomi tucunga. Huañunalla cuerpoca mana huañuna cuerpomi tucunga.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

2 CORINTIOS 4:16

Ñucanchic cuerpo punzhanta maucayashpa tucurimucpipish, ñucanchic almaca punzhantami mushucyashpa caticun. Chaimantami mana shaicunchic.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

GÁLATAS 3:27

Bautizarishpaca, Cristohuan shuc shinalla tucushpami shuctac churanata churarishca shina Cristohuanca shuctaclaya tucushcanguichic.

GÁLATAS 6:15

Circuncisionta ruhuashcapish, mana circuncisionta ruhuashcapish mana ima canchu, ashtahuanpish Dios mushucyachicpi mushuc causanami ashtahuan alli.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami Israelmantapish, mana Israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

EFESIOS 6:11

Diablo ima millai yuyaicunata cushpa ama pandachichunca, millaita mishangapac Dios cushcacunataca, churaric shina churarichic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 1:8

Ashtahuanpish paipac Churimantaca: “Canca huiñai huiñaita Mandac Diosmi cangui. Shinallatac cashcata ruhuashpami mandangui.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.

2 PEDRO 1:4

Chashna cayashpami, pai cusha nishca mai valishca allicunataca cushca. Cancuna cai pacha millaicunata ruhuashpa, llaquiman rigricushcamanta anchurishpa pai shina tucuchunmi, chashna cushca.