EFESIOS 2:21 - Dios Rimashcata Quillcashcami

²¹ Jesucristohuan cashpaca, huasi shayaricuc shinami Apunchic Jesucristohuan Diospaclla huasi tucungacaman tucui tandanacushpa, tandanacushca criccunaca huiñashpa catinga.

Nuevo Testamento en Quichua Cañar 1996

²¹ Jesucristohuan cashpaca, huasi shayaricuc shinami Apunchic Jesucristohuan Diospaclla huasi tucungacaman tucui tandanacushpa, tandanacushca criccunaca huiñashpa c'atinga.

EFESIOS 2:21 Iomraidhean Croise

1 REYES 6:7

Diospac huasita shayachingapacca allichishca rumicunallatacmi apamurca. Chaimantami huasita ruhuacucpica, tacana fierrota, hachata, ima shuc fierrocunapish chilin nishpaca mana uyarirca.

SALMOS 93:5

Mandac Dioslla, cambac yachachishcaca mana paquipacmi. Cambac huasipish huiñaitami cambaclla canga.

EZEQUIEL 42:12

Ura ladopi tiyac huasicunapac pungupish, jahua ladopi tiyac huasi pungucuna shinallatacmi carca. Chai huasicunamanca inti llucshina lado pircapi cac pungutami yaicuna carca.

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.