EFESIOS 2:20 - Dios Rimashcata Quillcashcami

²⁰ Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

Nuevo Testamento en Quichua Cañar 1996

²⁰ Jesucristomi huasita ruhuangapac callaripi churashca rumi shinaca can. Diosmanta ñaupa huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

EFESIOS 2:20 Iomraidhean Croise

1 REYES 7:11

Jahuamanpish chashnallatac medishpa labrashca alli vali rumicunata, shinallatac cedro caspicunata churashcami carca.

SALMOS 118:22

Huasichiccuna mana nishca rumillatacmi, huasi callaripi churana tucuimanta yalli alli rumi tucushca.

PROVERBIOS 9:1

Alli yachaimi huasita allichishpa sinchiyachirca. Canchis pilarcunatapish paillatacmi labrarca.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ZACARÍAS 10:4

Paicunamantami esquinapi churana rumipish, jatun ishtacapish llucshinga. Paicunallamantatacmi macanacuna arcopish, mandaccunapish llucshinga.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

SAN MATEO 21:42

Shina nicpimi Jesusca: —¿Manachu cancunaca Dios quillcachishcataca ricushcanguichic? Chaipica: “Huasita ruhuaccuna mana nishca rumillatacmi, huasita ruhuangapac callaripi churana, tucuimanta yalli alli rumi tucushca. Mandac Diosmi chashnaca ruhuashca. Chaita ricushpami, yallita cushicunchic” nicunmi.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Diosca Jesús acllashca huillaccunaman, Pai acllashca huillaccunamanpish ricuchishca.

COLOSENSES 2:7

Cancuna ima shinami yachacurcanguichic, chai shinallatac yura sapiyashca shina Jesusta crishpa, ashtahuan sinchiyashpa, achcata pagui nicuichiclla.

1 PEDRO 2:6

Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.

APOCALIPSIS 21:14

Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.