EFESIOS 2:2 - Dios Rimashcata Quillcashcami

² Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

Nuevo Testamento en Quichua Cañar 1996

² Chashnami cancunaca cai pacha ima millaita c'atishpa, huairapi puric mandac millai espíritu munashcata ruhuashpa causacurcanguichic. Chai espiritumi Taita Diosta mana cazuccunataca mana allita ruhuachishpa mandacun.

EFESIOS 2:2 Iomraidhean Croise

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

JOB 1:19

Chaipi cacpimi, shitashca pambamanta sinchi huaira shamushpa, huasi chuscu esquinapi huactashpa, paicunapac jahuapi urmachishpa huañuchirca. Chaita huillangapacmi ñucalla saquirircani— nirca.

JOB 1:7

Chaipimi Mandac Diosca Satanastaca: —¿Maimantatac shamungui?— nirca. Shina nicpi, Satanasca Mandac Diostaca: —Cai pachata ricushpa muyushpami shamuni— nirca.

JOB 31:7

Alli ñanmanta caruyashca cacpi, ñuca ñahui ricushcata shungupi yuyarishca cacpi, ñuca maquihuan mapayashca cacpica,

SALMOS 17:14

Paicunapac maquimantaca cambac maquihuan cacharichiyari. Mandac Dioslla, paicuna japinataca ñami cai pachapi charincuna. Paicunaca can cushcatami huicsa pactata micuncuna. Huahuacunamanpish yallitami charincuna. Quipa huahuacunamanpish puchunmi.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 57:4

¿Pitatac burlanguichic? ¿Pitatac calluta yallita llucchishpa burlarcanguichic? Cancunaca, ¿manachu mana cazuc runapac, llulla runapac huahua huahuacuna canguichic?

JEREMÍAS 23:10

Cai llactaca huainayashpa juchacunata ruhuaccuna jundami. Mandac Dios mana alli nicpimi, allpapish shitashca pamba shina, michina pambacunapish tucui chaquishca. Shuccunata llaquichingapacllami sinchi cancuna» nirca.

OSEAS 10:9

Mandac Diosca: «Israelcunalla, Gabaapi causacui punzhacunamanta pachami juchata ruhuarcanguichic. Chaipimi causashpa caticunguichic. Gabaapi mana allita ruhuaccunataca, ¿manachu macanacuica japinga?

LEVÍTICO 11:16

avestruztapish, chushictapish, gaviotatapish, chaipuralla gavilantapish,

SAN MATEO 11:19

Runa Tucungapac shamushca ñuca imatapish micuc, vinotapish ubiacpica: “Cai runaca yalli micucmi, vinotapish ubiacmi, impuestota japiccunahuanpish, caishuc juchayuccunahuanpish tandaricmi” ninguichicmi. Cancuna chashna nicucpipish, Dios yachac cashcataca paita cazuccunami ricuchicun» nirca.

SAN MATEO 13:22

Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

SAN MATEO 13:38

Allpa shinaca, cai pachapi causac gentecunami. Alli muyu shinaca, Dios mandacucpi causaccunami. Mana alli quihua shinaca, diablo mandashca causaccunami.

MARCOS 4:19

Chashna uyashpapish, cai causaipaclla munaihuan, charicyana munaihuan, charishpapish ashtahuan charina munaihuanmi pandarincuna. Chai munaicunami alli huillaita uyashcataca aguachic shina cungachin. Chaimantami grano mana pucuc shina ricurincuna.

SAN LUCAS 16:8

Amo chaita yachashpaca, chai mana cazuc mayordomotaca ‘allitami ruhuashca’ nirca. Cai pachapaclla caccunaca paicunapura ima allita ruhuangapacca, Diosta caticcunata atishpa alli yuyaiyucmi.

SAN LUCAS 22:31

Shinallatac Jesusca: —Simón, Simón, Satanasca trigota shushuc shina ruhuangapacmi, Cancunataca mañashca.

SAN JUAN 12:31

Cunanmi cai pachapi causaccunaca taripashca canga. Cunanmi cai pachata mandactapish llucchishpa shitashca canga.

SAN JUAN 13:2

Jesús manarac paipac yachacuccunahuan micungapac tiyaricpimi, diabloca Simonpac churi Judas Iscariotepac shungupi Jesusta japichina yuyaita churashca carca.

SAN JUAN 13:27

Judas tandata japincami, Satanasca paipac shungupi yaicurca. Chaimantami Jesusca: —Can imata ruhuagricushcataca utca ruhuailla— nirca.

SAN JUAN 14:30

Mana ashtahuan cancunahuan parlacushallachu. Chaica, ñami cai pachata mandac shamucun. Paica ñucata mana ati pudinchu.

SAN JUAN 15:19

Cancuna cai pachapac causacpica, cai pachapac causaccunaca cuyanmanmi. Ashtahuanpish cancunata paicunapuramanta ñucaca acllashcamantami cai pachapac causaccunaca piñancuna.

SAN JUAN 16:11

Cai pachata mandacta Dios ña juchanchishca cashcamantami, imami taripana cashcataca ricuchinga.

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

SAN JUAN 8:23

Shina nicpimi Jesusca: —Cancunaca caimantami canguichic. Ñucaca jahua pachamantami cani. Cancunaca cai pachamantami canguichic. Ñucaca mana cai pachamantachu cani.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

HECHOS 19:35

Chaimanta, chai pueblota mandacpac quillcac gentecunata upallachishpaca: «Huauquicuna, cai Efeso pueblopi causaccunami, tucuipac alli nishca Dianata adorana huasitaca ricuna canchic. Chaitaca tucuimi yachancuna. Chai Dianaca Júpiter nishca luceromanta shamushca diosmi.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

1 CORINTIOS 5:10

Chai shina nishpaca, tucui cai pachapi causac huaclliriccunahuan, imatapish charinallata munaccunahuan, shuhuaccunahuan shinallatac ruhuashcalla dioscunata adoraccunahuan amatac tandaringuichicchu nishpaca, mana nisha nircanichu. Paicunahuan mana tandarinacuna cacpica, cai pachamanta llucshinami cancunamanca alli canman.

1 CORINTIOS 6:11

Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

GÁLATAS 1:4

Jesucristoca ñucanchic juchacunamanta huañushpami, cai millai pachamanta quishpichishpa, ñucanchic Dios munashcata pactachirca.

EFESIOS 1:21

Chashna tiyachishpami poderta chariccunatapish, mandaccunatapish, tucuita atishpa mandaccunatapish, shinallatac cunan tucui ima tiyashcacunatapish, shamuc punzhapi ima tiyana cashcatapish tucuita Mandac cashcata ricuchirca.

EFESIOS 2:11

Cancuna mana israelcunataca Circuncisionta mana ruhuaccuna, nishpa cayaccuna cashcata yuyarichic. Israelcunaca “circuncisionta ruhuaccunami canchic” nishpami, gentecuna yuyashca shinallatac ruhuancuna.

EFESIOS 2:13

Shina cacpipish Cristo Jesus-huan shuclla tucushcamantami, cunanca pai yahuarta jichashcamanta Diosmanta carupi cashpapish, Diosman cuchuyashcanguichic.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

EFESIOS 5:6

Yanga parlocunahuanca pipish cancunata ama pandachichun. Chashna mana allita ruhuashcamantami Dios piñarishpa, tucui paita mana cazuccunataca llaquichinga.

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

COLOSENSES 1:21

Cancunaca ñaupaca mana allita ruhuashcamantami, Diosmanta caruyashpa, cancunapac shungupica Diosta piñaccuna carcanguichic.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.

SANTIAGO 1:27

Diospac ñaupapi mapa illac, Diosta alli cricmi cani ninaca, llaquipi cac viuda huarmicunatapish, taita mama illaclla cac huahuacunatapish ayudanami can. Shinallatac cai pachapi tiyac imapish mana allicunamanta huacaichirinami can.

SANTIAGO 1:7

Maijanpish chashna mañacca Mandac Diosmanta imata japina cashcata ama yuyachun.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

1 PEDRO 1:14

Alli cazuc huahuacuna shina, Diosta manarac ricsic cashpa, jucha munashca shina causanataca ama munaichicchu.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

2 PEDRO 2:14

Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.

1 JUAN 3:10

Maijanpish cashcata mana ruhuashpa, criccunata mana cuyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami can.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

1 JUAN 4:4

Cuyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

1 JUAN 5:19

Ñucanchicca Diospac huahuacuna cashcatami yachanchic, shinallatac cai pachapaclla causaccunataca diablo mandacushcatami yachanchic.

1 JUAN 5:4

Diospac tucui huahuacunami cai pachapi tiyac millaicunataca mishan. Apunchic Jesusta crishpami, cai pachapi millaitaca mishanchic.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 13:8

Tucui cai pachapi causaccunami chai animaltaca “allimari cangui” nircacuna. Chaicunaca cai pachata Dios ruhuashca punzhamanta pacha huiñaita causangapac rina, huañuchishca cac Pactalla Oveja charicuc libropi shutita mana quillcashcacunami can.

APOCALIPSIS 16:17

Canchisniqui angelca huairapimi pai charicushca copata tallirca. Chashna tallicpica, jahua pachapi cac Diosta mañana huasipi mandashpa tiyarinamantami sinchita rimashpaca: «Ñami tucui tucuchishca» nishca uyarirca.

APOCALIPSIS 20:2

Chai angelmi chai dragón nishca ñaupa rucu culebrataca, huaranga huatapa cadenahuan huatarca. Paillatacmi diablo nishcapish, Satanás nishcapish can.