EFESIOS 1:7 - Dios Rimashcata Quillcashcami

⁷ Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

Nuevo Testamento en Quichua Cañar 1996

⁷ Taita Diosca mai c'uyashcamantami, paipac Churi yahuarta jichashcamanta ñucanchictaca huatashca shinamanta cacharichishpa, juchacunata perdonarca.

EFESIOS 1:7 Iomraidhean Croise

JOB 33:24

Pai tapushpa allita tarishca cashpaca: “Enterrana jutcumanta quishpichircami. Canca quishpirinata tarircanguimi” ninmanmi.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

SALMOS 130:7

Israelcunalla, Mandac Diosmi yallita llaquicca, paillami quishpichicca. Chaimanta paillata shuyaichicyari.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

DANIEL 9:19

¡Mandac Dioslla, uyaiyari! ¡Dioslla, cambac shutipimi can acllashca pueblomanta, can acllashcacunamanta mañacunchic! ¡Ama unayaichuyari!” nishpami mañarcani.

DANIEL 9:9

Ñucanchic canta mana cazucpipish, canca llaquishpa juchacunata perdonacmi cangui.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

ZACARÍAS 9:11

Yahuarta jichashpa, cancunahuan ari nishcamantami cantaca yacu jundachina jutcupi prezu cacpi, chaimanta llucchisha.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

SAN MATEO 26:28

Caica, Dios cancunahuan mushuc ari nishca yahuarmi. Caimi achca runacunapac juchacunata perdonangapac jichana ñuca yahuarmi.

SAN MATEO 6:12

Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

MARCOS 14:24

Chai quipaca Jesusca: —Caica, Dios-huan mushuc ari ninacuita ruhuashca ñuca yahuarmi. Caimi achcacunata quishpichingapac jichana yahuar.

SAN LUCAS 1:77

Pai acllashcacunapac juchacunata perdonashca cachunmi, quishpirinamanta yachachingui.

SAN LUCAS 24:47

Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can.

SAN JUAN 20:23

Pipish cancunata mana allita ruhuacpi perdonacpica, paicuna juchata ruhuashcamanta perdonashcami canga. Shinallatac pipish cancunata mana allita ruhuacpi mana perdonacpica, paicuna juchata ruhuashcamantaca mana perdonashcachu canga— nirca.

HECHOS 10:43

Dios ima nishcata tucui huillaccunami: “Jesusmi, paita criccunapac juchacunata perdonanga” nishpa huillarca— nirca.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

ROMANOS 3:24

Dios cuyashcallamantami Jesucristota crishpa, Dios chasquishca cancuna.

ROMANOS 3:25

Diosca gentecunamanta yahuarta jichashpa huañuchunmi Jesucristotaca cacharca. Jesucristota crishpallami quishpirinchic. Ñaupaca, Diosca mana piñaric cashpami, ñucanchic juchacunata perdonarca.

ROMANOS 9:23

Diosca sumaimana cashcata ricuchingapacmi, ñaupamanta pacha cuyac cashcata ñucanchicman ricuchirca. Chaitaca ñaupamanta pachami, allichishca carca.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

EFESIOS 1:14

Cai shina ruhuashpami ñucanchictaca huatashca shina cashcamanta cacharichishpa, paipacllata ruhuashpa, pai cusha nishcata chasquiccuna cashcata ricuchin. ¡Chashna ruhuashcamantaca Diosta “allimari cangui” nishunchic!

EFESIOS 1:18

Cancuna pai cayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa mañani.

EFESIOS 1:6

Chashnaca Dios mai cuyashpa, paipac cuyashca Churimanta allicunata cushcamantami, ¡paitaca alli nicunalla canchic!

EFESIOS 1:8

Diosca tucuita yachac, alli yuyaiyuc cashpami, paipac cuyaitapish ñucanchicman ricuchishpa,

EFESIOS 2:4

Shina cacpipish Diosca mai llaquic cashpami, ñucanchictaca yallita cuyarca.

EFESIOS 2:7

Cristo Jesusmanta ñucanchicta mai llaquishpa, yallita cuyashcata shamuc punzhacunapi ricuchingapacmi, chashnaca ruhuashca.

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Diosta mañacuni.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

FILIPENSES 4:19

Tucuita charic, ñuca Diosmi, Cristo Jesusmantaca cancunapac tucui ima illashcatapish yallita cunga.

COLOSENSES 1:14

Paimantami juchacunata perdonashcapish, shinallatac huatashca shinamanta cacharichishcapish canchic.

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

COLOSENSES 2:13

Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Diosca juchacunata perdonashpami, Jesucristohuan pacta causachirca.

COLOSENSES 2:2

Paicuna tucui shunguhuan crishpa, cuyanacushpa, sinchiyashpa catichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

1 TIMOTEO 2:6

Tucui gentecunata quishpichingapac, paillatac japi tucushpa huañushpami, Dios munashca punzhacuna pactacpica, quishpichic cashcata ricuchirca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

TITO 3:6

Ñucanchic Quishpichic Jesucristomantami, Diosca paipac Espirituta ñucanchicmanca yallita curca.

HEBREOS 9:22

Mandashcapi nishca shinaca, animalpac yahuarmi juchacunata pichana carca. Animalpac yahuarta jichashpallami, juchata perdonana carca.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 JUAN 2:12

Cuyashca huahuacuna, cancunapac juchacunataca Jesucristomanta Dios ña perdonashca cashcamantami, cancunamanca quillcani.

1 JUAN 2:2

Jesucristoca Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchicpac juchacunallamanta ashtahuanpish tucui cai pachapi causaccunapac juchata perdonachunmi huañurca.

1 JUAN 4:10

Mana ñucanchicchu Diosta cuyashcanchic, ashtahuanpish Diosmari ñucanchicta cuyashpa, paipac Churita ñucanchic juchacunamanta huañushpa juchacunata pichachun cacharca. Chai cuyaimi tucuimanta yallica.

APOCALIPSIS 14:4

Paicunaca huarmihuan mana chayarishca chuyacuna, Pactalla Oveja maita ricpipish caticcuna, gentecunapuramanta Diosmanpish, Pactalla Ovejamanpish cungapac, punta acllashcacuna shina quishpirishcacunami can.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.