EFESIOS 1:5 - Dios Rimashcata Quillcashcami

⁵ Jesucristohuan shuc shinalla tucushcamantami ñucanchictaca paipac huahuata shina ruhuashpa, ñaupaman pai ima shina munacushcata pactachirca.

Nuevo Testamento en Quichua Cañar 1996

⁵ Shinami Jesucristohuan shuc shinalla tucushcamanta, ñucanchictaca paipac huahuata shina ruhuashpa, chasquishpa, ñaupaman pai ima shina munacushcata pactachirca.

EFESIOS 1:5 Iomraidhean Croise

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

JEREMÍAS 3:4

Cunanllami canca: “Ñuca taitalla, huambrarac cacpica, canmi ñucata pushashpa purircangui.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

SAN MATEO 1:25

Joseca chashna cazarashpapish chai huahuata charingacamanmi Mariahuanca mana chayarinacurca. Chai huahuataca JESÚS shutitami shutichirca.

SAN MATEO 11:26

Ari, ñuca Taitito, chaitami munashcangui.

SAN LUCAS 10:21

Chai ratollatacmi, Jesusca Diospac Espíritu cushichicpi, yallita cushicushpaca: «Jahua pachatapish, cai pachatapish Mandac ñuca Taitalla, cantaca alli ninimi. Canca cai yachanacunataca alli yuyaiyuc, alli yachaccunamanta pacashpami, huahuacuna shinaman ricuchishcangui. Ari, Taitito, chaitami ruhuasha nishcangui.

SAN LUCAS 11:32

Ninivepi causac gentecunapish Jonás huillacpica, juchayuc cashcamanta llaquirishpa, Diosman cutirircami. Ñucacarin, Jonastapish yallimi caipica cani. Chaimanta Dios taripana punzhapica Nínive pueblopi causaccunapish cunan punzhapi causaccunataca juchanchishpa llaquichinga.

SAN LUCAS 12:32

Cancunaca ashalla ovejacuna shina cashpapish ama manchaichicchu. Diosmi cushicushpa cancunahuan mandasha nicun.

SAN JUAN 1:12

Paita chasquishpa, paita criccunataca, Diospac huahuacuna tucuchunmi chasquin.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

HECHOS 13:48

Chashna nicta mana israelcuna uyashpaca: “¡Diosmanta alli huillaica sumacmari!” nishpami, yallita cushicurca. Huiñai causaita charichun, Dios acllashcacunaca, tucuimi crircacuna.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

1 CORINTIOS 1:1

Dios munashcamanta, Jesucristopac apóstol cachun cayashca Pablomi huauqui Sostenes-huan

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

2 CORINTIOS 6:18

Ñucaca cancunapac Taitami casha, Cancunaca ñuca churicuna, ñuca ushicunami canguichic» ninmi.

GÁLATAS 3:26

Tucui cancunami Cristo Jesusta crishcamantaca, Diospac huahuacuna canguichic.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

EFESIOS 1:9

pai munashcamanta ñaupaman cusha nishca pacashcataca, Cristomanta ñucanchic japichun ricuchirca.

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

COLOSENSES 1:19

Diosca paipac Churipi tucui pactachina poder tiyachunmi munarca.

2 TESALONICENSES 1:11

Chaimantami Dios paipac poderhuan pai munashca shinata ruhuachichun, cancuna crishcamanta alli ruhuaicunatapish, alli yuyaicunatapish cuchun, cayashcacuna cashcatatac ricuchichun nishpami cancunamanta punzhanta mañacunchiclla.

HEBREOS 2:4

Diospish mancharinacunata, milagrocunata ruhuashpa, pai munashca shina paipac Espirituta cushpa, chashnatac cashcata ricuchirca.

1 JUAN 3:1

Ñucanchic Dios mai cuyashcamantami, ñucanchictaca paipac huahuacuna nishpa cayan. Chaica chai shinatacmi canchic. Cai pachapaclla causaccunaca Diosta mana ricsishcamantami ñucanchic paipac cashcatapish mana ricsincuna.

APOCALIPSIS 21:7

Maijanpish millaita mishacca pai japina cashcatami japinga. Ñucaca paipac Diosmi casha, shinallatac paipish ñucapac huahuami canga.