ECLESIASTÉS 9:3 - Dios Rimashcata Quillcashcami

³ Inti achicyachicuc cai pachapi tucui ruhuanamantaca caicunami mana alli ricurin. Tucuimi chashnallatac tucun. Huañuclla runapac shunguca tucui causaipimi mana allita ruhuana yuyaillahuan, juizhu illac causacun. Chai quipaca huañushcacunahuanmi tandanacugrin.

ECLESIASTÉS 9:3 Iomraidhean Croise

GÉNESIS 6:5

Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

JOB 15:16

Yacuta ubiac shina mana allita ruhuac runaca, ¿maitatac alli ricuringayari?

JOB 21:26

Shina cashpapish ishcaitacmi allpaman rin. Ishcaipitacmi curucunapish jundan.

JOB 9:22

Ñucaca: “Paica mana juchayuctapish, mana manchactapish tucuchinllami.

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

SALMOS 64:7

Shina cacpipish, Diosmi paipac flechacunallahuantac chugrichinga. Cungaillami mai llaquicuna japinga.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

ECLESIASTÉS 1:17

Tucui shunguhuanmi allita yachanatapish, allita entendinatapish, yuyai illac canatapish, imapish yangata ruhuac canatapish utca yachacurcani. Tucui chai yachashcacunaca, yuyaita yanga shaicuc shinalla cashcatami ricurcani.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

ECLESIASTÉS 2:14

Alli yachac runaca allita ricushpami purin. Ashtahuanpish mana entendic runaca purapi shinami purin. Shina cacpipish tucuripica tucuimi chashnallatac tucuna cashcatami entendircani.

ECLESIASTÉS 7:2

Jatun micuiman rinapac randica, duelopac huasiman rinami ashtahuan alli. Huañuimi tucui runacunata tucuchin. Causaccunaca chaitami yuyarina can.

ECLESIASTÉS 7:25

Chaimantami cutinllatac alli yachangapac, ima shina cacta ricungapac, allita yachac cangapac, yuyaita charingapacpish cutin ricurcani. Shinami yuyaita mana charishpa, mana allita ruhuashpa loco shina pandarishpa causacushcata yacharcani.

ECLESIASTÉS 8:11

Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

ECLESIASTÉS 9:2

Tucuimi chashnallatac tucun. Cashcata ruhuacpish, Diosta mana manchacpish, allipish, millaipish, chuya runapish, mapa runapish Diosman animalta cushpa huañuchicpish, mana animalta cushpa rupachicpish, ari nicpish, ari ninata manchacpish chashnallatacmi tucun.

ECLESIASTÉS 9:4

Tucui causaccunamanca ima shuyanaca tiyanracmi. Huañushca leonpac randica, causac allcumi ashtahuan alli.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

SAN LUCAS 15:17

Chaimantami paipac shungupica: “¡Ñuca taitapac huasipica, serviccunapish micunata atichicungami! Ñucaca caipi yarcaihuanmi huañucuni.

SAN LUCAS 6:11

Chaimantami yallita piñarishpa, Jesusta ima shina huañuchinata yuyarinacurca.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

HECHOS 26:11

Tauca cutinmi tandanacuna huasicunaman yaicushpa, criccunata llaquichishpa, Jesusta negachircani. Criccunata yallita piñashpami, shuctac llactacunapipish llaquichishpa puric carcani.

HECHOS 26:24

Pablo sinchita rimacucpimi, jatun mandac Festoca: —¡Pablo, yuyai illacmi cangui! ¡Yallimana yachacushpachari, yuyai illac tucunguiyari!— nishpa, sinchita rimarca.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

2 PEDRO 2:16

Pai chashna mana allita ruhuagricucpimi, shuc burroca gente shina “canca mana allitachu ruhuacungui” nishpa rimacpi, juizhu illac shina yuyacushcataca saquirca.