ECLESIASTÉS 8:9 - Dios Rimashcata Quillcashcami

⁹ Inti achicyachicuc cai pachapica tucui caicunata ruhuashcacunatami tucui shunguhuan ricurcani. Maijan cutinca runaca paipac llaquipacllatacmi caishuc runata llaquichinga.

ECLESIASTÉS 8:9 Iomraidhean Croise

2 REYES 25:7

Sedequiaspac churicunataca paipac ñaupallapitacmi cungata pitishpa huañuchirca. Sedequiastaca ñahuita surcushpami, cadenahuan huatashpa, Babilonia llactaman aparca.

ÉXODO 14:28

Chashna catishpa ricucpimi, cutin yacu tandarishpa carretacunatapish, caballopi ric soldadocunatapish, Egipto runacunatapish tucui taparca. Paicunamantaca shucllapish mana saquirircachu.

ECLESIASTÉS 1:14

Cai pachapi causaccuna imata ruhuashcataca tucuimi ricurcani. Riqui chaicunaca yangallami. Chaicunaca huairata caticuc shinallami.

ECLESIASTÉS 3:10

Diosca huañuclla runacunaman ima ruhuanacunata cushpaca, chaicunata ruhuashpa causachun cushcatami ricuni.

ECLESIASTÉS 3:16

Shinallatac inti achicyachicuc cai pachapi, allita ruhuanapac randica, millaita ruhuac cashcatami ricuni. Cashcata ruhuanapac randica, mana allita ruhuac cashcatami ricuni.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ECLESIASTÉS 5:13

Inti achicyachicuc cai pachapica yalli llaquitami ricurcani. Runa huacaichishca charishcacunaca, paipac llaquipacllatacmi.

ECLESIASTÉS 5:7

Chaica, muscuc shina imatapish yuyacucpica, yanga yuyaicunapish, yanga rimaicunapish llucshinmi. Ashtahuanpish canca Diosta manchai.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

ECLESIASTÉS 7:25

Chaimantami cutinllatac alli yachangapac, ima shina cacta ricungapac, allita yachac cangapac, yuyaita charingapacpish cutin ricurcani. Shinami yuyaita mana charishpa, mana allita ruhuashpa loco shina pandarishpa causacushcata yacharcani.

ECLESIASTÉS 7:7

Llaquichishpa charicpica, yachac runapish yuyai illacmi tucun. Pacalla pagashcaca shungutami pandachin.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.