ECLESIASTÉS 8:7 - Dios Rimashcata Quillcashcami

⁷ Paica ima tucunataca mana yachanchu. ¿Pitac pai ima tucunataca huillangayari?

ECLESIASTÉS 8:7 Iomraidhean Croise

ESTER 5:12

Shinallatac Amanca: —Jatun mandac Esterpish jatun micuiman jatun mandacta cayashpaca pi shuccunataca mana cayashpami, ñucallatac cayarca. Shinallatac jatun mandac Esterca cayapish jatun mandac-huan shamuchun cayarcami.

PROVERBIOS 24:22

Paicunataca cungaillami llaqui japinga. Paicunata ishcaita llaquichigricushcataca ¿pitac yachangayari?

PROVERBIOS 27:1

Caya ima ruhuana cashcata ama nichu. Caya punzha ima tucuna cashcataca mana yachanguichu.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

ECLESIASTÉS 10:14

Quipaman ima tucunata pipish mana yachanchu. Shina cacpipish mana entendic runaca yallita rimacunllami. Paipac quipa ima tucunataca ¿pitac huillangayari?

ECLESIASTÉS 3:22

Cai pachapi causaccuna huañushca quipa ima tucuna cashcataca pi mana huillai pudinchu. Chashna cashcamantaca quiquin trabajomanta alli cushicushpa causanami alli. Ñucanchicpac caipica chailla tiyashcatami ricuni.

ECLESIASTÉS 6:12

Runapac causai punzhacunaca llandu pasacuc shina yangallami. Chai punzhacuna alli canataca, ¿pitac yachan? Runa huañushca quipa inti achicyachicuc cai pachapi ima tucuna cashcataca, ¿pitac huillai pudingayari?

ECLESIASTÉS 7:14

Alli punzha cacpica, chai punzhamanta cushicui. Cutin mana alli punzha cacpica, Dios chai ishcai punzhacunatatac ruhuashcata yuyari. Chaica runa paipac quipa ima tucunata ama yachachunmi, chashnaca churarca.

ECLESIASTÉS 9:1

Tucui caicuna ima shina cashcata yachangapacca shunguhuanmi yuyaricurcani. Cashcata ruhuaccunapish, alli yachaccunapish, paicuna imata ruhuashcacunapish Diospac maquipimi. Runaca tucui paipac ñaupapi cacpipish, cuyaimanta cashcatapish, piñaimanta cashcatapish mana yachanchu.

ECLESIASTÉS 9:12

Ashtahuanpish runaca ima horas ima tucunata mana yachanchu. Ima shinami challuacuna mallapi japi tucun, alasyuc animalcuna linchipi japi tucun. Chashnallatacmi runacunapish mana alli punzhapi japi tucun.

SAN MATEO 24:44

Runa Tucungapac shamushca ñucaca, cancuna mana yuyashca horasmi chayamusha. Chaimanta allichirishpa shuyacuichic.

SAN MATEO 24:50

Chai servicpac amoca mana yuyashca punzha, mana yuyashca horasmi chayamunga.