ECLESIASTÉS 7:8 - Dios Rimashcata Quillcashcami

⁸ Callarinapac randica, ruhuanata tucuchinami ashtahuan alli. Jatun tucuna yuyaita charinapac randica, mana piñaric yuyaita charinami ashtahuan alli.

ECLESIASTÉS 7:8 Iomraidhean Croise

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

PROVERBIOS 15:18

Utca piñaric runaca piñanacuillapimi churan. Ashtahuanpish mana utca piñaric runaca piñanacuita allichinmi.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

ECLESIASTÉS 7:1

Mishquilla ashnacuc jambita yallica, tucuipac alli nishca canami alli. Huañuna punzhami, huacharina punzhata yalli ashtahuan alli.

SAN LUCAS 16:25

Chashna caparicpimi Abrahamca: “Huahua, can causacushpa allita causashcata yuyari. Ashtahuanpish Lazaroca llaquitami causarca. Cunanca caipica cushicushpami tiyacun.

SAN LUCAS 21:19

Chashna llaquichicucpipish, tucui shunguhuan catirashpaca quishpiringuichicmi.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

EFESIOS 4:2

Ama pihuanpish jatun tucushpa, ama piñarishpa, cuyac shunguhuan caishuc chaishuc-huan apanacushpa cuyanacuichic.

HEBREOS 10:36

Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.

SANTIAGO 5:8

Apunchic Jesucristo cutimuna ña pungullapi cashcamantaca, cancunapish chai shinallatac mana piñarishpa sinchita caticuichiclla.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.