ECLESIASTÉS 7:13 - Dios Rimashcata Quillcashcami

¹³ Dios ruhuashcata ricushpa yuyari. Pai huishtuta ruhuashcataca, ¿pitac derechai pudinga?

ECLESIASTÉS 7:13 Iomraidhean Croise

JOB 11:10

Pai shamushpa, prezu japishpa, ima ruhuashcata tapungapac cayacpica, ¿pitac jarcai pudingayari?

JOB 12:14

Pai urmachishcataca pi mana cutin allichinchu. Pai runata huichcashpa churashcataca pi mana cacharic pudinchu.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

JOB 37:14

Job, caita alli uyai. Dios cai sumaimanacunata ruhuashcataca allita yuyariyari.

JOB 9:12

Pai imata quichucpipish, ¿Pitac cutin chasqui pudingayari? Pitac: “¿Imatatac ruhuangui?” ningayari.

SALMOS 107:43

Maijanpish alli yachac, cai yuyaicunata cazucmi Mandac Dios llaquic cashcataca entendinga.

SALMOS 8:3

Jahua pachata ricushpaca quillatapish, lucerocunatapish cambac maquihuan ruhuashcatami ricuni.

ECLESIASTÉS 1:15

Huishtuyashcataca mana derechai pudipacmi. Imapish illashcataca mana pactachi pudipacchu.

ECLESIASTÉS 3:11

Diosca tucui imatapish ruhuana punzhallapitacmi sumacta ruhuashca. Shinallatac cai pachapi causaccunapac shungupica huiñaita causachunmi churarca. Shina cacpipish, gentecunaca callarimanta tucuricaman Dios imata ruhuashcataca mana entendinchu.

ECLESIASTÉS 8:17

Dios tucuita ruhuashcatami ricurcani. Inti achicyachicuc cai pachapi imata ruhuashcataca runaca mana yachai pudinchu. Runaca cai ruhuashcata alli yachacusha nicushpapish manatac entendi pudingachu. Yuyaisapa runa alli yachanimi nicushpapish, paipac yachashcahuanca mana entendi pudingachu.

ISAÍAS 14:27

Tucuita Mandac Diosmi chashna ruhuanata yuyarishca. Chaitaca, ¿pitac jarcai pudingayari? Paipac maqui alzashcataca, ¿pitac jarcangayari?

ISAÍAS 43:13

Ñaupa punzhacunamanta pachami ña tiyarcani. Ñuca maquimantaca quichucca pi mana tiyanchu. Ñuca imata ruhuanata munashcataca pi mana jarcai pudingachu» ninmi.

ISAÍAS 5:12

Jatun micuita ruhuashpa, vinota ubiashpa, arpacunapi, salteriocunapi, tamborcunapi, flautacunapi tocashpami, Mandac Dios ruhuashcataca mana ricuncuna, mana yuyarincuna.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

SAN LUCAS 12:26

Caillatapish mana ruhuai pudishpaca, ¿ima nishpatac imamantapish llaquiricunguichic?

ROMANOS 9:15

Diosca Moisestaca: «Maijanta ñuca llaquisha nishcatami llaquisha, maijanta ñuca cuyasha nishcatami cuyasha» nishcami.

ROMANOS 9:19

Shina cacpica cancunaca: «¿Imamantatac Diosca juchanchinga? Diospac munaitaca pipish mana jarcai pudinchu» ninguichari.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.