ECLESIASTÉS 7:12 - Dios Rimashcata Quillcashcami

¹² Alli yachaipish, cullquipish escudo shinami jarcan. Shina cacpipish alli yachaimi yachaccunamanca causaita cun.

ECLESIASTÉS 7:12 Iomraidhean Croise

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

SALMOS 57:1

Ñuca Dioslla, ñucata llaquiyari, ñucata llaquiyari. Canpimi ñuca shunguta churani. Cai jatun llaqui pasangacaman cambac alas ucupi miticusha.

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

PROVERBIOS 14:20

Huaccha runataca paihuan apanacucpish piñanmi. Ashtahuanpish charic runataca achcacunami cuyan.

PROVERBIOS 2:11

cai alli rimashcacunaca cuidangami. Cai alli yuyaicunaca allita entendichingami.

PROVERBIOS 2:7

Alli yachaimi allita ruhuaccunamanca mana pandana yuyaita cun. Allita ruhuashpa causaccunapacca jarcarina escudo shinami.

PROVERBIOS 3:18

Paita ucllarishpa causaccunamanca causaita cuc yura shinami can. Cai alli yachaita chariccunaca yallitami cushicun.

PROVERBIOS 8:35

Ñucata caticca causaita charingami. Shinallatac Mandac Diospac cuyaitapish chasquingami.

PROVERBIOS 9:11

Ñucamantami can causana punzhacunapish ashtahuan miranga. Can causana huatacunapish yapachishcami canga.

ECLESIASTÉS 10:19

Cushicungapacmi jatun micuitaca ruhuana. Vinopish cushilla cangapacmi can. Cullquica tucuita ruhuashpa cushicungapacmi can.

ECLESIASTÉS 2:13

Chashna alli yuyarishpami achicca tutata achicyachic shinallatac, yuyai illactaca alli yachai atic cashcata yacharcani.

ECLESIASTÉS 7:19

Alli yachac runataca pai yachacushcami, shuc pueblopi causac chunga mandaccunatapish yalli sinchiyachinga.

ECLESIASTÉS 9:16

Chaimantami ñucaca: «Yallita sinchi canapac randica, alli yachac canami ashtahuan alli. Huaccha runataca alli yachac cacpipish, yangapi churashpami, pai alli yuyaita cushcataca mana uyanayachirca» nircani.

ECLESIASTÉS 9:18

Alli yachaica ima macanacunata yalli ashtahuan allimi. Ashtahuanpish shuc pandaillami achca allicunataca tucuchin.

ISAÍAS 30:2

Ñucaman mana tapushpami, Faraonpac ayudacpi, sinchiyangapac, chaipi causaccunapi llanduric shina, miticungapac Egiptoman urai rincuna.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

ISAÍAS 33:6

Paica allitami mandanga. Cushi causaimi tiyanga. Shinallatac alli yuyaipish, quishpirinapish yallimi tiyanga. Mandac Diosta manchanami yalli valishcacunatapish yalli valin.

SAN JUAN 12:50

Ñuca Taita mandashcacunaca huiñai causaita cuc cashcatami yachani. Chaimantami ñuca rimashpaca, ñuca Taita mandashcallata huillacuni— nirca.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota cuyashpa paihuan cangapacmi, chai tucui yangallacunataca ima mapatalaya shitarcani.

JUECES 9:15

Shina nicpimi, zarza yuraca: “Cancuna ñucata jatun mandac cachun nicushpaca, ñuca cuchupi llanduringapac shamuichic. Mana ñucata mandac cachun nicpica, ñucamanta nina llucshishpami Líbano urcucunapi tiyac tucui cedro yuracunata rupachinga” nirca.