ECLESIASTÉS 7:1 - Dios Rimashcata Quillcashcami

¹ Mishquilla ashnacuc jambita yallica, tucuipac alli nishca canami alli. Huañuna punzhami, huacharina punzhata yalli ashtahuan alli.

ECLESIASTÉS 7:1 Iomraidhean Croise

JOB 3:17

Huañushpami Diosta mana manchaccunaca shuccunata pandachinataca saquincuna. Llaquipi causaccunapish chaipimi samarincuna.

SALMOS 133:2

Chashna causanaca, mishquilla ashnacuc aceiteta acchapi churacpi, barbas uraita ric shinami. Aaronpac barbas uraita tallirishpa, paipac churana puntacaman ric shinami can.

PROVERBIOS 15:30

Cushilla ñahuihuan ricucpica, shungupish cushicunmi. Alli huillaita huillaccunaca tullucunatapish sinchiyachinmi.

PROVERBIOS 22:1

Alli nishca canami jatun charic canatapish, ashtahuan yalli alli. Tucuipac cuyashca canami cullquitapish, curitapish ashtahuan yalli alli.

PROVERBIOS 25:10

Pacta can parlashcata maijan uyashpa pingaichinman. Pacta canta juchanchishpa pingaichishcapish, mana allichipac tucunman.

PROVERBIOS 27:9

Aceitepish, mishquilla ashnacucpish shungutami cushichin. Shuc ricsishca cunashcaca caishuc runapac shungutami cushichin.

ECLESIASTÉS 10:1

Huañushca chuspicunaca ashnanmi mishquilla ashnacuc jambitapish ashnachinmi. Chashnami yuyaisapa, alli nishca runa ashata pandarishpaca, yallita mana alli ricurin.

ECLESIASTÉS 4:2

Chaita ricushpami huañuccunaca causaccunata yalli alli cashcata yuyarcani.

ECLESIASTÉS 7:8

Callarinapac randica, ruhuanata tucuchinami ashtahuan alli. Jatun tucuna yuyaita charinapac randica, mana piñaric yuyaita charinami ashtahuan alli.

CANTARES 1:3

Cambac shutica mishquilla ashnacucta tallishca shinami. Chaimantami carihuan manarac chayarishca solteracunaca cuyan.

CANTARES 4:10

¡Ñuca panilla, ñuca cuyashca huarmilla! Cambac cuyaica mai sumacmi. Cambac cuyaica vinotapish yalli mishquimi. ¡Can cahuirishca mishquilla ashnacucca tucui mishquilla ashnacucmanta yalli sumacmi!

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

JONÁS 4:3

Cunanca, Mandac Dioslla, ñuca causaita quichuilla. Causanapac randica huañuimi ñucamanca ashtahuan alli— nirca.

SAN LUCAS 10:20

Shina cacpipish, ama supaicuna cazushcallamanta cushicuichicchu, ashtahuanpish cancunapac shuticuna jahua pacha libropi quillcashca cashcamanta cushicuichic— nirca.

SAN JUAN 13:2

Jesús manarac paipac yachacuccunahuan micungapac tiyaricpimi, diabloca Simonpac churi Judas Iscariotepac shungupi Jesusta japichina yuyaita churashca carca.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

2 CORINTIOS 5:8

Paillapi shunguta churashca cashpami cai cuerpomanta anchurishpa Apunchic Jesus-huan causagrinata munanchic.

HEBREOS 11:2

Ñaupa taitacunaca, crishcamantami Dios chasquishca carca.

HEBREOS 11:39

Paicunaca crishcamanta Dios alli nishca cashpapish, Dios cushami nishcataca mana chasquircachu.

APOCALIPSIS 14:13

Cutin jahua pachamanta shuc rimashca uyarishpaca: «Caita quillcai: Caimanta quipaman Apunchic Jesus-huan shuclla tucushpa huañuccunamanca, ¡mai cushicuimi canga! Diospac Espiritupish: Ari, chashnami can. Paicuna ima ruhuacushcamantaca samaringacunami. Paicuna ima ruhuashcapish paicunahuanmi canga» nishcatami uyarcani.

RUT 3:14

Shina nicpimi, Rutca pacaringacaman paipac chaquinicllapi sueñurca. Boozca: «Trillana pambaman shuc huarmi shamushcata pipish ama yachachun» nishcami carca. Chaimantami cayandi tutamantaca pipish ama ricsichun manarac alli achicyacpi rirca.