ECLESIASTÉS 6:6 - Dios Rimashcata Quillcashcami

⁶ Chai runa ishcai huaranga huatata causashca cashpapish, pai ima charishcacunahuan mana cushicushca cashpaca, ima allita cangayari. ¿Manachu tucui mashna chaillamantac rincuna?

ECLESIASTÉS 6:6 Iomraidhean Croise

GÉNESIS 5:5

Adanca iscun patsac quimsa chunga huatata causashpami huañurca.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

JOB 30:23

Canca ñucataca huañuiman, tucui causaccuna huañushpa, rina llactaman apacushcatami yachani.

JOB 7:7

Ñuca Dioslla, ñuca causaica huaira shinami chaitaca yuyariyari. Ñuca ñahuica alli causaitaca mana ashtahuan ricungachu.

SALMOS 34:12

¿Maijantac unaita causasha ninguichic? ¿Maijantac unai huatacunata allita ricushpa causasha ninguichic?

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

ECLESIASTÉS 2:14

Alli yachac runaca allita ricushpami purin. Ashtahuanpish mana entendic runaca purapi shinami purin. Shina cacpipish tucuripica tucuimi chashnallatac tucuna cashcatami entendircani.

ECLESIASTÉS 3:20

Tucuimi chai pushtullamantac rincuna. Animalcunapish, gentecunapish allpamantami ruhuashca. Chaimantami allpallatac tucuncuna.

ECLESIASTÉS 6:3

Shuc runa patsac churicunata charishca cashpapish, tauca huatacunata, achca punzhacunata causashca cashpapish, pai charishcahuanca mana cushicushcachu. Shinallatac pai huañucpipish, enterrangapac sepulturaca mana tiyashcachu. Chaimantami ñucaca, shullushca huahuami chai runata yalli alli nini.

ECLESIASTÉS 6:5

Chai huahuaca intitapish mana ricushcachu, mana ricsishcachu. ¡Shina cashpapish chai huahuami chai runata yalli samarin!

ECLESIASTÉS 7:2

Jatun micuiman rinapac randica, duelopac huasiman rinami ashtahuan alli. Huañuimi tucui runacunata tucuchin. Causaccunaca chaitami yuyarina can.

ECLESIASTÉS 9:2

Tucuimi chashnallatac tucun. Cashcata ruhuacpish, Diosta mana manchacpish, allipish, millaipish, chuya runapish, mapa runapish Diosman animalta cushpa huañuchicpish, mana animalta cushpa rupachicpish, ari nicpish, ari ninata manchacpish chashnallatacmi tucun.

ISAÍAS 65:20

Chaipica asha punzhallata causac huahuacunaca mana tiyangachu. Yuyaccunapish huañuna punzha manarac pactacpica, mana huañungachu. Patsac huatayuc huañushpaca, huambraracmi huañunga. Manarac patsac huatayuc huañushpaca, Dios mana alli nishca juchayuc runa nishcami canga.

ISAÍAS 65:22

Mana shuccuna causachun huasita shayachingachu. Shuccuna micuchunpish mana tarpungachu. Ñuca acllashcacunaca yuracuna shinami unaita causanga. Ñuca acllashcacunaca paicunapac maquihuan ruhuashcahuanmi cushicunga.

JEREMÍAS 17:6

Shitashca pambapi huiñashca retama yura shinami canga. Ima alli shamuctapish mana ricushpa, gentecuna mana causana, shitashca rumi allpapi, cachi allpapimi causanga.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.