ECLESIASTÉS 5:6 - Dios Rimashcata Quillcashcami

⁶ Cambac shimillatac juchata ruhuachichunca ama saquinguichu. Diosmanta huillacpac ñaupapipish mana yachaimantami chashna ruhuashcani ama ninguichu. ¿Cambac rimashcahuan Diosta piñachicpi, pai piñarishpa can ruhuashcata tucui tucuchichunchu munangui?

ECLESIASTÉS 5:6 Iomraidhean Croise

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

PROVERBIOS 23:17

Ama cambac shungupi juchayuccuna shina causanata munaichu. Chaipac randica punzhanta Mandac Diosllata manchashpa causangui.

ECLESIASTÉS 10:12

Yuyaisapa runa rimashcaca sumacmi. Ashtahuanpish mana entendic runa rimashcaca paillatatacmi llaquichin.

ECLESIASTÉS 3:14

Tucuita Dios ruhuashcaca huiñaipac cashcatami yachani. Pai ruhuashcacunataca imata mana yapachina, imata mana anchuchinachu. Diosca, gentecuna paipac ñaupapi manchachunmi ruhuashca.

LEVÍTICO 4:2

«Israelcunataca: “Maijanpish mana yachashcamanta Mandac Dios ñuca ama ruhuanguichu nishpa mandashcacunamanta maijan shucta mana pactachishpa, juchallicca caitami ruhuana can:

LEVÍTICO 4:22

Israelcunata maijan pushac mana yachashcamanta Dios ama ruhuachun nishpa mandashcacunata ruhuashpaca juchayucmi tucun.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

NÚMEROS 15:25

Mana yachashpa juchallishcamantaca curami tucui israelcunapac juchacunata perdonachu ñucaman cunga. Chashna cucpica, perdonashcami canga. Paicunaca mana yachashcamanta juchallishcata perdonachunmi Mandac Dios ñucapac ñaupapi rupachinatapish, ofrendatapish apamunga.

1 CORINTIOS 11:10

Chaimantami huarmica carita, angelcunata respetota charishcamanta umata tapallina can.

1 TIMOTEO 5:21

Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

SANTIAGO 1:26

Maijanpish “ñucaca Diosta alli cricmi cani” nishpapish, paipac calluta mana jarcaricca paillatacmi pandaricun. Pai “alli cricmi cani” nishcaca, yangallami can.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

2 JUAN 1:8

Chashna cashcamantami cancunaca imalla ruhuashcamanta japina cashcata mana chingachishpa, tucui japina yuyailla cana canguichic.