ECLESIASTÉS 5:11 - Dios Rimashcata Quillcashcami

¹¹ Ima allicuna achcayacpica, chaita tucuchiccunapish achcayanmi. Chaicunaca chayuc runamanca ¿ima allipactac canga? Ñahui ricushcallahuanmi saquiringa.

ECLESIASTÉS 5:11 Iomraidhean Croise

GÉNESIS 12:16

Faraonca Saraimantami Abramtaca cuyarca. Chaimantami ovejacunatapish, vacacunatapish, burrocunatapish, camellocunatapish, servic caricunatapish, servic huarmicunatapish curca.

GÉNESIS 13:2

Abramca yalli chayuc cashpami, curitapish, cullquitapish, animalcunatapish achcata charirca.

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

ECLESIASTÉS 11:9

Quipa huiñaicuna, huambrarac cashpa cushicuichic. Huambrarac cashpa cambac shungu cushicuchun saquingui. Cambac shungu munashcata, cambac ñahui ricushcata ruhuailla. Shina cacpipish, tucui chaicunata Dios taripana cashcataca yachanami cangui.

ECLESIASTÉS 2:9

Ñucaca Jerusalenpi punta causaccunataca yalli charicmi carcani. Tucuipac alli alli nishcami carcani. Yachaipish ñucamantaca mana anchurircachu.

ECLESIASTÉS 5:12

Trabajac runaca ashallata micushpapish, achcata micushpapish allimi sueñun. Ashtahuanpish chayuc runataca chai charishcacunami mana sueñucta saquin.

ECLESIASTÉS 6:9

Chingarinallata yuyanapac randica, ricunami ashtahuan alli. Chaipish huairata caticuc shina yangallami.

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

HABACUC 2:13

¿Manachu tucuita Mandac Diosca gentecuna imata ruhuashcataca ninapi rupachic shina tucuchinga? Llactacunapi causaccuna imata ruhuashpaca yangami shaicunga.

1 JUAN 2:16

Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Diosmantachu shamun, ashtahuanpish cai pachallami chai munaicunataca cun.