ECLESIASTÉS 5:1 - Dios Rimashcata Quillcashcami

¹ Diospac huasiman rishpaca, alli cangapac ringui. Imata mana yachac, mana entendic runacuna shina, animalta Diosman cushpa huañuchinapac randica, chaipi yachachishcata uyangapacmi ashtahuan cuchuyana cangui.

ECLESIASTÉS 5:1 Iomraidhean Croise

2 CRÓNICAS 26:16

Uzías ña tucuita mandai callarishpaca, jatun tucushpami llaquipi urmarca. Paica Mandac Diosta mana cazushpami, inciensota rupachina altarpi inciensota rupachingapac Diospac huasi ucuman yaicurca.

JOB 11:2

«¿Yallita rimaricmanca cutichinachu canga? ¿Yallita rimarishpaca jucha illacchu tucunga?

JOB 22:12

Diosca jahua pachamanta ashtahuan jahua pachapimi tiyacun. Lucerocunapish paimanta urapimi cancuna. Chaitaca ricuiyari.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

ÉXODO 3:5

Shina nicpimi, Mandac Diosca: —Can sarucuc allpaca ñucapacllami. Chaimanta ama cuchuyaichu. Cambac ushutata llucchi.

ÉXODO 30:18

«Jahuangapac shuc pailatapish, tiyachinatapish broncemanta ruhuangui. Chaitaca ñucahuan carpa huasihuan, altarhuan chaupipi churashpa, yacuta jundachingui.

PROVERBIOS 10:19

Yallita rimaric runaca yallitami pandarin. Ashtahuanpish jarcarishpa rimacca alli yuyaiyucmi.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

HECHOS 10:33

Chaimantami canta pushamuchun cacharcani. Allitami shamushcangui. Cunanca tucuimi Diospac ñaupapi canchic. Pai tucui imata ñucanchicman huillachun nishcataca huillailla. Ñucanchicca uyashun ninchicmi— nirca.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

1 CORINTIOS 11:22

Cancunaca, ¿manachu micungapac, ubiangapacca huasita charinguichic? ¿Diospaclla cac tandanacushca criccunatachu yangapi churasha ninguichic? ¿Imata mana chariccunatachu pingaipi churasha ninguichic? ¿Chaitaca allimi nishachu? ¡Chaitaca mana alli canichu!

HEBREOS 10:26

Cashcata nic huillashcata yachashca jahua juchata ruhuashpaca, quishpiringapacca imata mana cui pudinchicchu.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.

JOSUÉ 5:15

Shina nicpimi, Mandac Diospac soldadocunata mandacca Josuetaca: —Cambac chaquimanta ushutata llucchi. Can maipi shayacuc allpaca, Diospaclla chicanyachishcami— nirca. Shina nicpica, Josueca pai mandashcatami ruhuarca.