ECLESIASTÉS 4:13 - Dios Rimashcata Quillcashcami

¹³ Yuyai illac, yuyac, imatapish mana entendic mandacpac randica, huaccha huambra cashpapish, yachac huambrami ashtahuan alli.

ECLESIASTÉS 4:13 Iomraidhean Croise

GÉNESIS 37:2

Cashnami Jacobopac familiacunaca causarca. Joseca chunga canchis huatayuc cashpami, paipac huauquicunahuan ovejata michic carca. Chashnami huambraca paipac taitapac huarmi Bilhapac, Zilpapac huahuacunahuan michic carca. Joseca paipac huauquicuna mana allita ruhuashcata shuccuna parlanacucta uyashpaca paipac taitamanmi huillac carca.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

PROVERBIOS 19:1

Mana entendic shuccunata rimashpa llaquichinapac randica, huaccha cashpapish ima millaita mana ruhuashpa causanami alli.

PROVERBIOS 28:6

Chayuc cashpapish millaita ruhuashpa causanapac randica, huaccha cashpa allita ruhuashpa causanami ashtahuan alli.

ECLESIASTÉS 4:12

Maijan macashpaca shucllataca mishai pudinmi, ishcai cashpaca mishacta mana saquinchu. Quimsamanta tursishca huascaca mana utca pitirinchu.

ECLESIASTÉS 7:19

Alli yachac runataca pai yachacushcami, shuc pueblopi causac chunga mandaccunatapish yalli sinchiyachinga.