ECLESIASTÉS 3:2 - Dios Rimashcata Quillcashcami

² Huacharingapacpish, huañungapacpish punzha tiyanmi. Tarpungapacpish, chai tarpushcata pilangapacpish punzha tiyanmi.

ECLESIASTÉS 3:2 Iomraidhean Croise

GÉNESIS 17:21

Ashtahuanpish ñuca ari nishcataca Isaac-huanmi callarichisha. Cambac huarmi Saraca shamuc huata, cai shina punzhapimi cari huahuata charinga— nirca.

GÉNESIS 47:29

Taita Israel chashna ña yuyac cashpa, pai huañuna punzha ña chayamucpi, paipac churi Joseta cayachishpaca: —Cambac ñahuipi ñuca alli ricurishca cacpi, can ñucata cuyashpaca, cambac maquita ñucapac changa jahuapi churashpa, ñuca mañashcata pactachingapac ari ni. Ñuca huañucpica, amatac cai Egiptopi enterranguichu.

1 REYES 13:2

Paica, Mandac Dios mandacpimi chai altarta piñarishpaca: «Altar, altar, Mandac Diosca: “Davidpac huahua huahuapuramantami Josías shuti huahua huacharinga. Paimi lomacunapi tiyac altarpipish, cambac jahuapipish inciensota rupachic curacunataca, cambac jahuallapitac huañuchinga. Huañushcacunapac tullucunatapish cambac jahuallapitacmi rupachinga” ninmi» nirca.

2 REYES 4:16

Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

JOB 14:14

¿Shuc runa huañushpaca causaringachu? Tucui ñuca causai punzhacunami quishpirina chayamunata shuyacushalla.

JOB 14:5

Paipac causaica asha punzhacamanllami. Pai causana quillacunapish cambac maquipimi. Canmi ima punzhacaman causanataca churashcangui. Chai punzhamantaca mana pasangachu.

JOB 7:1

Cai pachapi causaccunaca shaicushpami imatapish ruhuashpa causan. Paicunapac punzhacunaca, trabajac runapac punzha tucuric shinami tucurin.

SALMOS 113:9

Paimi mana huahuata chari pudic huarmitapish achca huahuayucta ruhuan. Huahuacunapac mama cashcamantaca yallitami cushicun. ¡Mandac Diosta alabaichicyari!

SALMOS 52:5

Chaimantami Diosca cantaca causaita quichushpa huiñaipac chingachishpa, cambac huasi ucupuramanta anchuchinga. Cai pachapi causaccunapuramanta sapimanta llucchic shinami cantaca chingachinga.

PROVERBIOS 24:27

Canzha ruhuaicunatarac ruhuangui. Cambac allpacunapi ruhuaitarac yuyaringui. Chai quipaca cambac huasita shayachingui.

ISAÍAS 28:24

Shuc runa tarpungapacca, ¿tucui punzhachu yapucunga? Chambacunata, ¿ñutuchishpallachu chishiyanga?

ISAÍAS 38:1

Chai punzhacunapi Ezequías yallita ungushca cacpimi, Dios ima nishcata huillac Amozpac churi Dios ima nishcata huillac Isaías ricungapac rirca. Chashna rishpaca: «Mandac Diosca: “Canca mana causanguichu, huañugringuimi. Chaimanta cambac huasi ucupurata imata nina cashpaca utca nilla” ninmi» nirca.

ISAÍAS 38:5

«Ezequiaspacman rishpa: “Ñaupa taita Davidta Mandac Diosca: Can mañashcata uyarcanimi. Cambac huiquitapish ricurcanimi. Riqui, can causana punzhacunataca chunga pichca huatatami mirachini.

ISAÍAS 54:1

Mandac Diosca: «¡Jaicapi mana sajuaric huarmilla cushicuiyari! Jaicapi sajuarina nanaita mana ricsic huarmilla, cushicuihuan caparishpa cantaiyari. Cusa shitashca huarmimi cusayuc huarmita atishpa, ashtahuan achca huahuacunata charin.

JEREMÍAS 1:10

Cunan punzhamanta pachami cantaca llactapi causaccunatapish, jatun mandaccunatapish, sapimanta llucchic shina tucui chingachichun, urmachishpa ñutuchichun, shinallatac cutin shayachishpa, tarpuc shina allichichun churani» nirca.

JEREMÍAS 45:4

Paitaca: “Mandac Diosca cantaca: Ñuca shayachishcatami urmachicuni. Ñuca tarpushcacunatami pilashpa shitacuni. Tucui cai llactapi causaccunatami chashna ruhuasha.

SAN MATEO 13:41

Runa Tucungapac shamushca ñucami, mandashca causaccunapuramanta mana allita ruhuaccunatapish, shuccunata pandachiccunatapish tandachichun, angelcunata cachasha.

SAN MATEO 15:13

Chashna nicpimi Jesusca: —Jahua pacha ñuca Taita mana tarpushca yuraca, ima yura cashpapish sapindi pitishcami canga.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 1:20

Ñuca huillashcaca pactana punzhami pactanga. Ashtahuanpish canca ñuca huillashcata mana crishcamantaca, cambac huahua huacharingacamanmi upayashpa, imata mana rimai pudingui— nirca.

SAN LUCAS 1:36

Mana huahuayuc cambac familia Elisabetca, yuyac cashpapish ña sucta quillatami cari huahuata huicsayuc tucushca.

SAN JUAN 16:21

Shuc huarmica sajuarina punzha chayacpica, nanaihuanmi llaquirin. Shina cacpipish sajuarishca quipaca, shuc huahua cai pachaman apamushcamantami tucui nanaita cungarishpa cushicun.

SAN JUAN 7:30

Jesusta prezushun nicushpapish manarac prezuna horas cacpimi, pi mana japirca.

HECHOS 7:17

Dios Abrahamman llactata cungapac ari nishca punzhacuna pactamugricpimi, israelcunaca Egipto llactapi mirarishpa, achca tucurca.

HECHOS 7:20

Chai punzhacunapimi Moisesca huacharirca. Paica Diospac alli nishcami carca. Quimsa quillatami paipac taita mamaca huasipi pacashpa charirca.

GÁLATAS 4:4

Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

DEUTERONOMIO 34:5

Mandac Diosta servic Moisesca pai nishca shinami Moab llactapi huañurca.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

1 SAMUEL 2:5

Mana nicta micushpa causaccunaca micunata japingapacmi trabajashpa causancuna. Ashtahuanpish yarcaihuan causaccunaca ña mana yarcachincunachu. Huahuata mana charic huarmipish canchis huahuatami charin. Achca huahuata charic huarmica llaquirishpami causacun.