ECLESIASTÉS 3:16 - Dios Rimashcata Quillcashcami

¹⁶ Shinallatac inti achicyachicuc cai pachapi, allita ruhuanapac randica, millaita ruhuac cashcatami ricuni. Cashcata ruhuanapac randica, mana allita ruhuac cashcatami ricuni.

ECLESIASTÉS 3:16 Iomraidhean Croise

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ECLESIASTÉS 5:7

Chaica, muscuc shina imatapish yuyacucpica, yanga yuyaicunapish, yanga rimaicunapish llucshinmi. Ashtahuanpish canca Diosta manchai.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

ECLESIASTÉS 8:9

Inti achicyachicuc cai pachapica tucui caicunata ruhuashcacunatami tucui shunguhuan ricurcani. Maijan cutinca runaca paipac llaquipacllatacmi caishuc runata llaquichinga.

ISAÍAS 59:14

Chashnami allita ruhuanaca huashapi saquirirca. Cutin cashcata ruhuanaca ñucanchicmanta caruyarcami. Cashcata ninaca plazapimi mitcarishpa urmac shina tucurirca. Chaimantami allita ruhuanaca mana yaicui pudirca.

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

SAN MATEO 26:59

Curacunata mandac curacunapish, tandanacushca mandaccunapish, Jesusta huañuchingapacmi llullashpa huillaccunata mashcarca.

HECHOS 23:3

Shina nicpimi Pabloca: —¡Mishqui shimi, jayac shungu, cantaca Diosmi llaquichinga! Canca Moisés mandashcacunapi nishca shina, allita ruhuangapacmi cangui. ¿Chashna cashpachu mandashcata mana pactachishpa, ñucata huactachun ningui?— nirca.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?