ECLESIASTÉS 3:1 - Dios Rimashcata Quillcashcami

¹ Cai pachapica tucui ruhuaipacmi punzha tiyan. Tucui ruhuaicunami quiquin horasta charin.

ECLESIASTÉS 3:1 Iomraidhean Croise

2 REYES 5:26

Shina nicpi, Eliseoca: —Carretamanta uricushpa, chai runa tupangapac shamucpica, ñuca shunguca ¿Manachu canhuan carca? ¿Cullquita, churanacunata, olivos chagracunata, uvas chagracunata, ovejacunata, huagracunata, servic caricunata, servic huarmicunata japina punzhami yuyanguichu?

2 CRÓNICAS 33:12

Ashtahuanpish chai llaquita apacushpami, Manasesca paipac ñaupa taitacunapac Mandac Diospac ñaupapica tucui shunguhuan llaquirishpa mañarca.

PROVERBIOS 15:23

Runaca sumacta rimashpa cutichishpami cushicun. ¡Alli rimaita parlachun munashca horasca mai sumacmi!

PROVERBIOS 24:27

Canzha ruhuaicunatarac ruhuangui. Cambac allpacunapi ruhuaitarac yuyaringui. Chai quipaca cambac huasita shayachingui.

ECLESIASTÉS 1:13

Ñucaca cai pachapi imata ruhuashcata allita entendingapacca tucui yuyaihuan callarishpami ricurcani. Dios cai pachapi causaccunaman cushca ruhuanacunaca yallita sinchimi.

ECLESIASTÉS 2:17

Inti achicyachicuc cai pachapi tucui imalla ruhuashcaca umata nanachinmi. Chaimantami ñuca causaitapish mana ricunayachini. Tucui chaicunata alli yuyaricpica, huairata caticuc shinami yangalla.

ECLESIASTÉS 2:3

Ñuca yuyaipi allita entendishpapish ñuca cuerpotaca vinota ubiashpami cushichisha nircani. Chashnami huañuclla runa causacuc tucui punzhacunapi paiman ima alli cashcata, imata ruhuana cashcata yachanata munarcani.

ECLESIASTÉS 3:17

Chaimantami ñuca shungupica: «Tucui imata ruhuashcata ricungapacpish punzhaca tiyanmi. Cashcata ruhuactapish, paita mana manchactapish Diosmi taripanga» nircani.

ECLESIASTÉS 7:14

Alli punzha cacpica, chai punzhamanta cushicui. Cutin mana alli punzha cacpica, Dios chai ishcai punzhacunatatac ruhuashcata yuyari. Chaica runa paipac quipa ima tucunata ama yachachunmi, chashnaca churarca.

JEREMÍAS 46:17

Chaipi caparishpaca: “¡Egipto llactata jatun mandac Faraonca shimillami! Macana horasca imata mana ruhuanchu” nishpami caparirca.

SAN MATEO 16:3

Shinallatac: “Tutamanta jahuata puyu pucayashca cacpica, cunanca mana alli punzhami cagrin” ninguichicmi. Cancunaca chaicunata ricushpaca, imalaya punzha cagricushcataca yachanguichicmi. Ashtahuanpish cunan punzha ima tucucushcataca mana yachanguichicchu.