ECLESIASTÉS 2:23 - Dios Rimashcata Quillcashcami

²³ Tucui paipac causai punzhami llaquillata, mana allillata apan. Imata ruhuashcapish paillatatacmi llaquichin. Paipac yuyaica tutapish mana samarinchu. Chaipish yangallami.

ECLESIASTÉS 2:23 Iomraidhean Croise

GÉNESIS 3:17

Cutin Adantaca: —Ñuca: “Cai yuramanta ama micunguichu” nishca jahua, cambac huarmi nishcata uyashpa, micushcamantami cai allpaca mana alli nishca canga. Tucui causaipimi llaquita trabajashpa, granota pucuchishpa causangui.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

ESTER 6:1

Chai tutami jatun mandacca sueño pitiricpi mana sueñui pudirca. Chaimantami jatun mandac imata ruhuashcacunata yuyaringapac quillcashcata apamushpa, paipac ñaupapi rezachun mandarca.

JOB 14:1

Huarmimanta huacharishcaca, asha punzhacunallatacmi causan. Llaquicunataca yallitami charin.

JOB 5:7

Shina cacpipish, rupacuc nina saltashpa huañuc shinami runapish llaqui tucungapac huacharin.

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

SALMOS 32:4

Tutapish, punzhapish cambac maquica llaquichishpami catirca. Verdinlla quihua shina cashpapish, usyaipi chaquishca quihua shinami tucurca.

SALMOS 90:15

Ñucanchicca tauca huatacunatami llaquihuan cashcanchic. Chai huatacunapica mana allitami ricushcanchic. Chai tucui huatacunallatatac cushi causaita cuiyari.

ECLESIASTÉS 1:13

Ñucaca cai pachapi imata ruhuashcata allita entendingapacca tucui yuyaihuan callarishpami ricurcani. Dios cai pachapi causaccunaman cushca ruhuanacunaca yallita sinchimi.

ECLESIASTÉS 1:18

Chaica, yallita yachac cacpica, uma nanaimi shamun. Maijanpish ashtahuan yachacushpaca, llaquitami mirachin.

ECLESIASTÉS 2:11

Chashna cushicushca quipami achca shaicuihuan ñuca maqui imallata ruhuashcacuna imapac cashcata alli yuyarircani. Chashna yuyarishpami tucui chaicunaca yangalla cashcata, shinallatac huairata caticushca shina cashcata yacharcani. Chashna cashcamantaca inti achicyachicuc cai pachapica imapish yangallami.

ECLESIASTÉS 5:12

Trabajac runaca ashallata micushpapish, achcata micushpapish allimi sueñun. Ashtahuanpish chayuc runataca chai charishcacunami mana sueñucta saquin.

ECLESIASTÉS 5:17

Chaipac jahuapish paipac tucui causai punzhacunapimi llaquihuan, nanaihuan yallita imatapish ruhuashpa, pura tutapi shina micun.

ECLESIASTÉS 8:16

Ñucaca tucui shunguhuanmi allita yachacushpa, cai pachapi causaccuna imata ruhuacucta ricushpa yachacurcani. Maijancunaca tutapish, punzhapish mana samarincunachu.

DANIEL 6:18

Chai quipaca jatun mandac paipac huasiman rishpami, mana micushpa pacarirca. Ima tocanacunata paipac cuchuman apamuchunpish mana munarcachu. Mana sueñurcachu.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.