ECLESIASTÉS 2:22 - Dios Rimashcata Quillcashcami

²² Chai runa inti achicyachicuc cai pachapi uma nanaihuan paipac shungupi shaicucta imatapish ruhuashcamantaca, ¿imatatac japin?

ECLESIASTÉS 2:22 Iomraidhean Croise

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

PROVERBIOS 16:26

Huicsata yarcanamantami trabajac runaca trabajan. Yarcacpimi imallatapish ruhuan.

ECLESIASTÉS 1:3

Inti achicyachicuc cai pachapi causaccunaca mana samarishpa, imatapish sinchita trabajashpaca ¿ima allitatac japincuna?

ECLESIASTÉS 2:11

Chashna cushicushca quipami achca shaicuihuan ñuca maqui imallata ruhuashcacuna imapac cashcata alli yuyarircani. Chashna yuyarishpami tucui chaicunaca yangalla cashcata, shinallatac huairata caticushca shina cashcata yacharcani. Chashna cashcamantaca inti achicyachicuc cai pachapica imapish yangallami.

ECLESIASTÉS 3:9

Yallita shaicushpa trabajashcamantaca ¿imatatac japin?

ECLESIASTÉS 4:6

Llaquita trabajashpa, ishcai maquipi imata charinapac randica, ashallata trabajashpa, shuc maquillapi imata charinami ashtahuan alli.

ECLESIASTÉS 4:8

Maijan sapalla runaca ricsishcacunatapish, huahuacunatapish, huauquillatapish mana charinchu. Pai charishcata piman saquina mana tiyacpipish, manatac samarinchu. Mashnata charishpapish mana cushicunchu. Shinallatac: «¿Piman saquingapactac chashna mana samarishpa trabajacuni, imamantatac ñuca almataca yallita shaicuchini?» nishpapish mana tapurinchu. Chaipish yangallami. Shinallatac llashacta aparishca shina llaquimi.

ECLESIASTÉS 5:17

Chaipac jahuapish paipac tucui causai punzhacunapimi llaquihuan, nanaihuan yallita imatapish ruhuashpa, pura tutapi shina micun.

ECLESIASTÉS 8:15

Chaimantami ñucaca, imamanta cushicuna cashcata alli nini. Inti achicyachicuc cai pachapica runaca micushpa, ubiashpa, cushicunami can. Caicunamanta yalli cushicuica mana tiyanchu. Cai pachapi Dios causaita cushcacamanca, pai trabajashcamantami chaitaca ruhuai pudin.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

SAN MATEO 6:11

Punzhanta micuna tandataca, cunan punzhapish carai.

SAN MATEO 6:25

Chaimantami ñucaca: Ama: “¿Imatatac micushun, imatatac ubiashun, imatatac churarishun?” nishpa, chai yuyailla canguichicchu. Causaimari micunatapish ashtahuan yalli valin. Cuerpomari, churanata ashtahuan yalli valin.

SAN MATEO 6:34

Ama: “Cayaca, ¿imashi tucushun?” nishpa, llaquiricuichicchu. Llaquicunaca punzhantami tiyan. Chaimanta cayapac ima tucuna cashcataca, cayallatami yuyarina canguichic.

SAN LUCAS 12:22

Chai quipaca, Jesusca paipac yachacuccunataca: «Chaimanta cancunaca ama: “¿Imatatac micushun, imatatac churarishun?” nishpa, llaquiricunguichicchu.

SAN LUCAS 12:29

Chaimanta ama llaquirishpa: “¿Imatatac micushun, imatatac ubiashun?” nishpa puricuichicchu.

1 CORINTIOS 16:16

Chaimantami paicuna shina ayudaccunatapish, shuctac ayudaccunatapish, tucui serviccunatapish cazuchun mañani.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

1 TIMOTEO 6:8

Shina cashcamanta ñucanchic churaringapac, micungapac charishpaca, cushilla cashunchic.

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.