ECLESIASTÉS 2:16 - Dios Rimashcata Quillcashcami

¹⁶ Yachac runapish, mana entendic runapish huañungallatacmi. Yachac runatapish, mana entendic runatapish asha huatacuna quipaca pi mana yuyaringachu.

ECLESIASTÉS 2:16 Iomraidhean Croise

2 SAMUEL 3:33

Jatun mandacca Abnermanta huacashpami cai cantota allichirca: «¿Abnerca upa runacuna shinachu huañuna carca?

SALMOS 103:16

huaira huactacpica, chaquishpa huañunllami. Chai quipaca maipi cashcataca pi mana yachanchu.

SALMOS 49:10

Yachaccunapish huañunllatacmi. Rumi shungu runapish, mana entendic runapish chingarinllami. Paicuna charishcacunaca shuccunapacmi saquirin.

SALMOS 88:12

¿Amsapi caccunaca can mancharinacunata ruhuashcata yachangachu? Can cashcata ruhuac cungarishca, ¿allpapi caccunaca yachangachu?

ÉXODO 1:6

Josepish, paipac huauquicunapish, tucui paipac aillucunapish huañurcami.

ÉXODO 1:8

Quipataca Egiptopica mushuc mandacmi tiyarca. Paica Josetaca mana ricsircachu. Chaimantami chaipi causaccunataca:

PROVERBIOS 14:8

Allita yachac runaca pai ima shina causashcatami yuyarin. Ashtahuanpish yuyai illac runaca yuyaita mana charishcamantami llullallapi causan.

ECLESIASTÉS 1:11

Ñaupaman ima tiyashcataca cungarishcami can. Quipaman ima tiyacpipish, cungarishcami canga. Quipaman ima tiyacpipish cungaringacunami.

ECLESIASTÉS 2:14

Alli yachac runaca allita ricushpami purin. Ashtahuanpish mana entendic runaca purapi shinami purin. Shina cacpipish tucuripica tucuimi chashnallatac tucuna cashcatami entendircani.

ECLESIASTÉS 2:15

Chaimantami ñuca shungupica: «Mana entendic runa ima shinami tucugrin, shinallatacmi ñucapish tucusha. Shina cashpaca, ¿imapactac ashtahuan yachacurcani?» nircani. Chaita yuyarishpami ñuca shungupica: «Caicunapish yangallami» nircani.

ECLESIASTÉS 6:8

¿Alli yachac runaca mana entendic runata yallichu? Cai pacha causaccunapurapi alli allita causac huaccha runaca, ¿imapactac valin?

ECLESIASTÉS 7:2

Jatun micuiman rinapac randica, duelopac huasiman rinami ashtahuan alli. Huañuimi tucui runacunata tucuchin. Causaccunaca chaitami yuyarina can.

ECLESIASTÉS 8:10

Shinallatac Diospaclla huasipi llucshishpa, yaicushpa puric mana allita ruhuaccuna huañucpi, alli nishpa enterrarictami ricurcani. Paicuna mana allita ruhuashpa causacushca pueblopimi chashna ruhuacurca. Chaipish yangallami.

ECLESIASTÉS 9:15

Chai pueblopica alli yachac huaccha runami causarca. Chai runaca alli yachac cashpami chai pueblotaca quishpichirca. Shina cacpipish chai huaccha runataca pipish mana yuyarircachu.

ECLESIASTÉS 9:5

Causaccunaca huañuna cashcataca yachanmi. Ashtahuanpish huañushcacunaca imata mana yachanchu. Imata japinatapish mana charinchu. Paicunataca pipish mana yuyarinchu.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.