ECLESIASTÉS 2:1 - Dios Rimashcata Quillcashcami

¹ Ñuca shungupica: «Cunanca allita causangapacca cushicushpa ricusha» nircani. Ashtahuanpish caicunapish yangallami carca.

ECLESIASTÉS 2:1 Iomraidhean Croise

GÉNESIS 11:7

Cunanca, paicunapac rimaita chican chicanta ruhuangapac urai rishunchic. Shina ruhuacpimi, caishuc chaishuc imata rimacushcata mana entendingacuna» nirca.

2 REYES 5:5

Shina nicpimi, Siria llactata jatun mandacca: —Shina cashpaca rilla. Ñucami Israel llactata jatun mandacman shuc quillcata cachagrini— nirca. Shina nicpimi, Naamanca chunga talento cullquita, sucta huaranga siclos curita, chunga mushuc churanata apashpa rirca.

SALMOS 10:6

Paipac shungupica: «Ñucaca jaicapi mana urmashachu. Huiñaitami ima llaquipish mana japinga» nishpami yuyan.

SALMOS 14:1

Muspa runaca: «Diosca mana tiyanchu» ninmi. Tucuimi ismushca shina tucushpa, millana juchacunata ruhuancuna. Allita ruhuacca shucllapish mana tiyanchu.

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

PROVERBIOS 14:13

Yalli asishcapish shunguta nanachinmi. Cushilla asishca quipaca llaquillami saquirin.

ECLESIASTÉS 11:9

Quipa huiñaicuna, huambrarac cashpa cushicuichic. Huambrarac cashpa cambac shungu cushicuchun saquingui. Cambac shungu munashcata, cambac ñahui ricushcata ruhuailla. Shina cacpipish, tucui chaicunata Dios taripana cashcataca yachanami cangui.

ECLESIASTÉS 2:10

Ñuca shunguca tucuita ruhuashcahuanmi cushicurca. Chaimantami ñuca ñahui imata munashcata ruhuarcani. Ima shina cushicunata munashpaca chashnatacmi cushicurcani. Chaicunataca ñuca shunguhuan ruhuashpatacmi yallita cushicurcani.

ECLESIASTÉS 2:15

Chaimantami ñuca shungupica: «Mana entendic runa ima shinami tucugrin, shinallatacmi ñucapish tucusha. Shina cashpaca, ¿imapactac ashtahuan yachacurcani?» nircani. Chaita yuyarishpami ñuca shungupica: «Caicunapish yangallami» nircani.

ECLESIASTÉS 2:25

Mana paihuan cashpaca, ¿pitac yallita micunyari? ¿Pitac cushicunyari?

ECLESIASTÉS 7:4

Alli yachac runaca duelo huasitami yuyacun. Mana entendic runaca, cushicuna huasitami yuyacun.

ECLESIASTÉS 8:15

Chaimantami ñucaca, imamanta cushicuna cashcata alli nini. Inti achicyachicuc cai pachapica runaca micushpa, ubiashpa, cushicunami can. Caicunamanta yalli cushicuica mana tiyanchu. Cai pachapi Dios causaita cushcacamanca, pai trabajashcamantami chaitaca ruhuai pudin.

ISAÍAS 5:5

Cunanca ñuca uvas chagrata imata ruhuagricushcatami huillagrini. Pipish chagrata tucuchichunmi muyundi jarcashcata urmachigrini. Pipish yaicushpa sarunacuchunmi pircatapish urmachigrini.

ISAÍAS 50:11

Tucui cancunami ninatapish, antorchatapish japichinguichic. ¡Shina cashpaca, chai nina achicllapitac, antorcha achicyachishcallapitac puricuichiclla! ¡Chaica ñucami llaquichini! Cancunaca llaquinayaita huañushpami tucuringuichic.

ISAÍAS 50:5

Mandac Diosmi ñuca ringrita pascarca. Chaimantami huashaman mana cutirishpa, paita uyashpa cazurcani.

SAN LUCAS 12:19

Chashna huacaichishpaca ñuca shungutaca: ‘Tauca huatapacmi charisha. Cunanca cushicushpa, micushpa, ubiashpa samarishami’ nishami” nicurca.

SAN LUCAS 16:19

Shuc chayuc runami tiyarca. Paica punzhantami achca valic churanata churarishpa, alli micunallata micushpa cushicuc carca.

SAN LUCAS 16:23

Chai chayuc runaca ucu pachapi llaqui nanaihuan cashpami, huichailla ricushpaca Abrahamtapish, paipac ladopi Lazarotapish ricurca.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

SANTIAGO 4:13

«Cunan cashpa, caya cashpa, cai llactaman, chai llactaman jacuchic, chaipica shuc huatacaman randishpa, catushpa cullquita mirachishun» niccunaca, caita uyaichic:

SANTIAGO 5:1

Chayuccuna, caita uyaichic: ¡Cancunataca jatun llaquicunami japinga! ¡Chaimanta caparishpa huacaichic!

SANTIAGO 5:5

Cancunaca cai pachapica munanayaita ruhuashpami yallita alli causashcanguichic. Yalli micushpami huañuchina punzha chayacpi, huañuchina huagracuna shina huirayashcanguichic.