ECLESIASTÉS 12:1 - Dios Rimashcata Quillcashcami

¹ Huambrarac cai punzhacunaca canta ruhuac Diosta yuyaringui. Manarac llaqui punzhacuna chayamucpi yuyaringui. Chai huatacuna chayacpica: «Cai causaipica mana cushicui tiyanchu» ninguimi.

ECLESIASTÉS 12:1 Iomraidhean Croise

GÉNESIS 39:2

Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

GÉNESIS 39:23

José imata ruhuacucpipish, Mandac Diosca paihuanmi carca. Joseca imata ruhuashpapish Mandac Dios paihuan cashcamantami allita ruhuarca. Chaimantami prezucunataca ricunallatapish mana ricuc carca.

2 SAMUEL 19:35

Ñucaca pusac chunga huatayucmi cani. Ima sumac micuicunapish, ubianacunapish ñucamanca imalaya cashca mana yacharinchu. Shinallatac caica mishquimi, jayacmi ninataca mana pudinichu. ¿Caricuna, huarmicuna cantashcatapish uyai pudishachu? Canta servic ñucaca maitatac jatun mandactaca llaquichishpa causagrishayari.

2 SAMUEL 19:36

¿Imamantatac can jatun mandacca ñucaman cai convidanata cusha ninguiyari? Canta servic ñucaca Jordán yacuta pasangacamanmi rigrini.

1 REYES 14:13

Paitaca tucui israelcunami llaquirishpa, huacashpa enterrangacuna. Jeroboampac huahua huahuacunamantaca paillami israelcunata Mandac Diospac ñaupapica alli ricurishca. Chaimantami chai huasi ucupuramantaca paillatac enterrangacuna.

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

NEHEMÍAS 4:14

Chai quipaca tucui ima tucushcata ricushpami, alli nishca runacunatapish, quipa mandaccunatapish, tucui caishuc gentecunatapish rimashpaca: —¡Paicunapac ñaupapica ama manchaichicchu! Ashtahuanpish tucuita ruhuac jatun Diosta yuyarichic. Cancunapac huauquicunamanta, churicunamanta, ushicunamanta, huarmicunamanta, cancunapac huasicunamanta macanacuichic— nircani.

JOB 30:2

Paicunapac fuerzaca ñucamanca, ¿imapactac valinman carca? Paicunaca fuerza illacmi carca.

SALMOS 119:55

Mandac Dioslla, cambac shutitaca tutacunami yuyarircani. Can mandashcataca cazurcanimi.

SALMOS 34:11

Huahuacunalla, shamushpa uyaichicyari. Mandac Diosta manchanatami yachachigrini.

SALMOS 63:6

Ñuca camapi siricushpapish canta yuyarishami. Tuta riccharishca horaspimi cantaca yuyarini.

SALMOS 90:10

Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

PROVERBIOS 22:6

Huahuataca alli causanata yachachingui. Shina yachachicpica, yuyacyashpapish mana cungaringachu.

PROVERBIOS 8:17

Ñucata cuyaccunataca cuyanimi. Ñucata mashcaccunaca tarinmi.

ECLESIASTÉS 11:10

Cambac shungumantaca piñarina yuyaita, cambac cuerpomantaca ima mana allita ruhuana yuyaita anchuchi. Huambrarac cashpa cushicunaca yangallami.

ECLESIASTÉS 11:2

Llactaman ima llaqui shamunataca mana yachanguichu. Canchismanpish, mana cashpaca pusacmanpish carailla.

ECLESIASTÉS 11:8

Maijan unai huatata cushicushpa causashpaca, pura tutapi ashtahuan unai huatacunata causana cashcatami yuyarina can. Quipaman ima tucugricucca yangallami canga.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

LAMENTACIONES 3:27

Huambramanta pacha yugota apacca alli runami.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

OSEAS 7:9

Shuctac llacta gentecuna paita irquiyachicuctaca mana yachanchu. Yurac accha cashcatapish mana yachanchu.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

SAN LUCAS 18:16

Ashtahuanpish Jesús huahuacunata cayashpa, paipac yachacuccunataca: —Huahuacuna ñucapacman shamuchun saquichic, ama jarcaichicchu. Cai huahuacuna shinacunami, Dios mandacucpica yaicunga.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

DEUTERONOMIO 8:18

Chaipac randica Mandac Diosta yuyaringuichic. Paimi cunan shina, cancunapac ñaupa taitacunahuan ari nishcata pactachingapac imatapish achcata charichun, fuerzata cancunamanca curca.

2 TIMOTEO 3:15

Huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

1 SAMUEL 1:28

Chaimantami cai huahuataca ñucapish Mandac Diosman cuni. Paica tucui causaipimi, Mandac Diospacta ruhuashpa causanga— nirca. Shina nishpami Mandac Diosta allimari cangui nirca.

1 SAMUEL 16:7

Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.

1 SAMUEL 2:26

Ashtahuanpish Samuel huambraca ashtahuanmi huiñarca. Paica Diospac ñaupapipish, runacunapac ñaupapipish alli nishcami carca.