ECLESIASTÉS 11:6 - Dios Rimashcata Quillcashcami

⁶ Tutamanta muyuta tarpushpaca, chishipish tarpunguilla, ama samaringuichu. Punta tarpushca, mana cashpaca quipa tarpushca, mana cashpaca ishcaita alli canataca mana yachanguichu.

ECLESIASTÉS 11:6 Iomraidhean Croise

ECLESIASTÉS 11:7

Achic punzhaca sumacmi, achiclla intita ñahuihuan ricunaca allimi.

ECLESIASTÉS 9:1

Tucui caicuna ima shina cashcata yachangapacca shunguhuanmi yuyaricurcani. Cashcata ruhuaccunapish, alli yachaccunapish, paicuna imata ruhuashcacunapish Diospac maquipimi. Runaca tucui paipac ñaupapi cacpipish, cuyaimanta cashcatapish, piñaimanta cashcatapish mana yachanchu.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

ISAÍAS 55:10

Tamyapish, rasupish jahua pachamanta urmashpaca, mana chaillamantac cutinchu. Ashtahuanpish allpata jucuchishpami granota pucuchin. Chaimantami tarpuc runaca muyupacpish, micungapacpish charin.

OSEAS 10:12

Chaimanta cunanca, alli muyuta tarpuc shina cashcata ruhuaichic. Mandac Diospac cuyaitaca cosechac shina japichic. Cunan punzhacunaca Mandac Dios ñucata mashcana punzhacunami. Chaimanta allpata tarpungapac allichichic. Ñuca shamushpa cashcata ruhuanata yachachingacamanmi chashna allichirina canguichic.

2 CORINTIOS 9:6

Ashallata tarpucca ashallatami tandanga. Achcata tarpucca achcatami tandanga. Chaitaca alli yuyarichic.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.