ECLESIASTÉS 10:13 - Dios Rimashcata Quillcashcami

¹³ Pai rimari callarishpaca mana entendipactami rimarin. Tucuchinamanca yalli mana allicunata rimashpami tucuchin.

ECLESIASTÉS 10:13 Iomraidhean Croise

2 SAMUEL 19:41

Chashna cacpica, tucui israelcunami jatun mandacpacman shamushpaca: —¿Ima nishpatac ñucanchic huauqui Judá gentecunaca jatun mandactapish, paipac familiatapish, paita caticcunatapish shuhuac shina Jordán yacuta pasachircacuna?— nirca.

2 REYES 6:27

Shina caparicpi jatun mandacca: —Mandac Diospish llaquishpa mana ayudacpica, ¿ñucacarin ima shinatac ayudashayari? ¿Trillana eramanta, mana cashpaca, uvas cutanamantachu cusha?— nirca.

2 REYES 6:31

Chai quipami jatun mandacca: «¡Safatpac churi Eliseopac umata cunan mana piticpica, Diosllatac yallita llaquichichun!» nirca.

PROVERBIOS 13:16

Alli yuyaiyuc runacunaca alli yachaihuanmi imatapish ruhuancuna. Ashtahuanpish yuyai illac runaca yuyai illac cashcatami ricuchin.

PROVERBIOS 29:9

Yachaisapa runa yuyai illac runahuan piñanacushpaca, burlashpa asishca, piñashcallami canga. Imapish mana allichiringachu.

ECLESIASTÉS 10:14

Quipaman ima tucunata pipish mana yachanchu. Shina cacpipish mana entendic runaca yallita rimacunllami. Paipac quipa ima tucunataca ¿pitac huillangayari?

ECLESIASTÉS 5:2

Diospac ñaupapica manarac alli yuyarishpa ama rimaichu. Manarac alli yuyarishpaca ama imatapish ruhuashami nichu. Diosca jahua pachapimi, canca allpapimi cangui. Shina cashcamanta can imata ruhuaipacllata ari ningui.

ECLESIASTÉS 7:25

Chaimantami cutinllatac alli yachangapac, ima shina cacta ricungapac, allita yachac cangapac, yuyaita charingapacpish cutin ricurcani. Shinami yuyaita mana charishpa, mana allita ruhuashpa loco shina pandarishpa causacushcata yacharcani.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN LUCAS 11:38

Fariseoca, Jesús mana maquita jahuashpa micucta ricushpami yallita mancharirca.

SAN LUCAS 6:11

Chaimantami yallita piñarishpa, Jesusta ima shina huañuchinata yuyarinacurca.

SAN LUCAS 6:2

Chaimantami maijan fariseocunaca: —¿Ima nishpatac samana punzhapi mana ruhuanata ruhuacunguichic?— nirca.

SAN JUAN 12:10

Curacunata mandac curacunaca Lazarota huañuchinatami yuyarinacurca.

JUECES 14:15

Shina cashpami ña chuscu punzha tucucpi, Sansonpac huarmitaca: —Cai imashi imashi imata nisha nicushcata cambac cusaman ima shinapish tapui. Mana cashpaca cantapish, taitapac huasi ucupuratapish rupachishunmi. Cancunaca ñucanchic charishcata quichungapacllami cayashcanguichic— nirca.