ECLESIASTÉS 1:9 - Dios Rimashcata Quillcashcami

⁹ Ñaupaman imami tiyarca, chaillatacmi quipamanpish tiyanga. Ñaupaman ima ruhuarishcaca, chaillatacmi quipamanpish ruhuaringa. Cai pachapica ima mushucca mana tiyanchu.

ECLESIASTÉS 1:9 Iomraidhean Croise

ECLESIASTÉS 1:10

Imapish: «Riqui, caica mushucmi» ninaca mana tiyanchu. Tucui imapish ñucanchic manarac tiyacpimi, utcaman ña tiyashca.

ECLESIASTÉS 2:12

Chai quipaca alli yachaitapish, loco shina canatapish, yuyai illac canatapish cutinmi yuyarircani. Quipa jatun mandacca ña ruhuashcamanta ashtahuan mushuctaca ¿imatatac ruhuai pudingayari? nishpami yuyarcani.

ECLESIASTÉS 3:15

Tucui imapish ñaupaman tiyashcallatacmi tiyan. Quipaman ima tiyana cashcapish ña tiyashcallatacmi. Diosca utcaman tiyashcatami cutichimucun.

ECLESIASTÉS 6:10

Cunan imapish tiyacca ñami shutiyuc carca. Runa ima shina cactapish yachanimi. Runaca paita yalli fuerzata charic-huanca mana chimbapurai pudinchu.

ECLESIASTÉS 7:10

Canca ama: «¿Imamantatac punta huatacunaca cai punzhata yalli alli carca?» ninguichu. Chaitaca mana alli yachacmi tapun.

ISAÍAS 43:19

Ñucaca cancuna mana ricushca mushuctami ruhuacuni Chaitaca ñallami ricuchisha. Chaitaca, ¿manachu ricunguichic? Cutinmi shitashca pambata ñanta pascashpa, chaquishca pambacunapica jatun yacucunata llucchisha.

JEREMÍAS 31:22

Mana cazuc soltera shina Israel-lla, ¿ima horascamantac caita chaita puricunguilla? Mandac Dios ñucami cai llactapica mushucta ruhuasha. Huarmica cusapac ladomanmi shamunga» ninmi.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

APOCALIPSIS 21:1

Chai quipaca ñaupaman cac jahua pachapish, cai pachapish shinallatac mama cucha yacupish chingaricpica, jahua pachatapish, cai pachatapish mushuc cashcatami ricurcani.

APOCALIPSIS 21:5

Chai quipaca mandashpa tiyarinapi tiyacucca: «Ñucaca tucuitami mushucta ruhuani» nirca. Shinallatac paica: «Quillcai, cai ñuca rimashcacunaca chashna pactanatac, shinallatac mana llullachu» nirca.