ECLESIASTÉS 1:13 - Dios Rimashcata Quillcashcami

¹³ Ñucaca cai pachapi imata ruhuashcata allita entendingapacca tucui yuyaihuan callarishpami ricurcani. Dios cai pachapi causaccunaman cushca ruhuanacunaca yallita sinchimi.

ECLESIASTÉS 1:13 Iomraidhean Croise

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

JOB 28:3

Runaca manchana amsatapish mana manchashpami ucuta allashpa mashcan. Manchana amsa ucupimi cobre rumitaca mashcan.

SALMOS 111:2

Mandac Dios ruhuashcacunaca jatunmi. Chashna allita ruhuachun munaccunaca paitami mashcan.

PROVERBIOS 18:1

Pailla causanata munacca quiquin munaillatami ruhuanata mashcan. Alli yuyaita cucpipish, mana cazunchu.

PROVERBIOS 18:15

Alli yuyaita charic runapac shunguca alli yachaitami japin. Yachaisapacunapac ringrica alli yachaitami uyanata munan.

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

PROVERBIOS 25:2

Imata pacalla charinaca Diospac sumaimanami. Sumacta callarishpa ricunaca jatun mandacpac allimi.

PROVERBIOS 4:7

¡Tucuimanta yallica alli yachac canami ashtahuan alli! ¡Allita yachacuiyari! Tucui charishcacunamanta yallica allita entendinatami munana cangui.

ECLESIASTÉS 1:17

Tucui shunguhuanmi allita yachanatapish, allita entendinatapish, yuyai illac canatapish, imapish yangata ruhuac canatapish utca yachacurcani. Tucui chai yachashcacunaca, yuyaita yanga shaicuc shinalla cashcatami ricurcani.

ECLESIASTÉS 11:5

Huarmipac huicsapi tiyacuc huahuapac tulluman huaira yaicuctapish, maita yaicuctapish mana yachanguichu. Chashnallatacmi tucuita ruhuac Dios tucui caicunata ima shina ruhuashcataca mana yachangui.

ECLESIASTÉS 12:12

Ñuca huahualla, cai yuyaicunatami canmanca cuni. Librocunata ruhuanaca mana tucuringachu. Shinallatac yallita yachacushpa caticpica, cuerpoca shaicunmi.

ECLESIASTÉS 2:23

Tucui paipac causai punzhami llaquillata, mana allillata apan. Imata ruhuashcapish paillatatacmi llaquichin. Paipac yuyaica tutapish mana samarinchu. Chaipish yangallami.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

ECLESIASTÉS 3:10

Diosca huañuclla runacunaman ima ruhuanacunata cushpaca, chaicunata ruhuashpa causachun cushcatami ricuni.

ECLESIASTÉS 3:11

Diosca tucui imatapish ruhuana punzhallapitacmi sumacta ruhuashca. Shinallatac cai pachapi causaccunapac shungupica huiñaita causachunmi churarca. Shina cacpipish, gentecunaca callarimanta tucuricaman Dios imata ruhuashcataca mana entendinchu.

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

ECLESIASTÉS 4:8

Maijan sapalla runaca ricsishcacunatapish, huahuacunatapish, huauquillatapish mana charinchu. Pai charishcata piman saquina mana tiyacpipish, manatac samarinchu. Mashnata charishpapish mana cushicunchu. Shinallatac: «¿Piman saquingapactac chashna mana samarishpa trabajacuni, imamantatac ñuca almataca yallita shaicuchini?» nishpapish mana tapurinchu. Chaipish yangallami. Shinallatac llashacta aparishca shina llaquimi.

ECLESIASTÉS 7:25

Chaimantami cutinllatac alli yachangapac, ima shina cacta ricungapac, allita yachac cangapac, yuyaita charingapacpish cutin ricurcani. Shinami yuyaita mana charishpa, mana allita ruhuashpa loco shina pandarishpa causacushcata yacharcani.

ECLESIASTÉS 8:9

Inti achicyachicuc cai pachapica tucui caicunata ruhuashcacunatami tucui shunguhuan ricurcani. Maijan cutinca runaca paipac llaquipacllatacmi caishuc runata llaquichinga.

1 TIMOTEO 4:15

Diospacta ruhuashpa alli caticushcata tucui mashna ricuchunca, cai rimashcacunapi yuyaita churashpa allita ruhuangui.