DANIEL 9:21 - Dios Rimashcata Quillcashcami

²¹ Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

DANIEL 9:21 Iomraidhean Croise

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

SALMOS 103:20

¡Imatapish ruhuac angelcuna Mandac Diosta alli nichicyari! Cancunaca pai imata nishcata cazuccunami canguichic.

SALMOS 104:4

Huairataca canmanta huillachun, culun nicuc ninataca canta servichunmi ruhuangui.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

ÉXODO 29:39

Shuctaca tutamanta, shuctaca chishita cungui.

ISAÍAS 6:2

Paipac jahuapica serafín angelcunami tiyacurca. Cada angelmi sucta alasyuc carca. Chai angelcunaca ishcai alas-huanca paicunapac ñahuita, caishuc ishcai alas-huanca chaquitami tapashca carca. Cutin caishuc ishcai alas-huanca volacurcami.

EZEQUIEL 1:11

Chashnami paicunapac ñahuica carca. Paicunapac ishcai alastaca jahuata chutashcami carca. Alaspura tupanacushcami carca. Chaishuc ishcai alascunahuanca paicunapac cuerpotami tapashca carca.

EZEQUIEL 1:14

Causaita chariccunaca relampa shinami, caiman chaiman volashpa puricurca.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

DANIEL 10:10

Shina sueñucucpimi, maquihuan ñucapi tuparishpa, cungurichishpa maquihuan taunallichirca.

DANIEL 10:16

Shina cacpipish, shuc runaman ricchami ñuca shimipi tuparirca. Chaimantami ñuca ñaupapi shayacucta rimashpaca: “Ñuca amitolla, muscuipi shina ricushcamantami yallita llaquirishpa, fuerza illac saquirircani.

DANIEL 10:18

Shina nicpimi, chai runaman ricchaca cutinllatac sinchiyachirca.

DANIEL 8:16

Chai quipaca Ulai yacu chaupipi shuc runa caparishpaca: “¡Gabriel chai muscuipi shina ricurishca imata nisha nicushcata huillai!” nirca.

DANIEL 8:18

Pai ñucahuan parlacucllapitacmi pambapi urai urmashpa sueñushpa saquirishcarcani. Shina cacpimi, pai tuparishpa,

SAN MATEO 27:46

Chai horasllatacmi Jesusca: «Elí, Elí, ¿lama sabactani?» nishpa, caparirca. Chaica: “Ñuca Dios, ñuca Dios, ¿ima nishpatac ñucallata saquinguiyari?” nisha ninmi.

SAN LUCAS 1:19

Shina nicpimi angelca: —Ñucaca Diospac ñaupapi, paita servic ángel Gabrielmi cani. Paimi canman cai alli huillaita huillachun cacharca.

SAN LUCAS 1:26

Elisabet ña sucta quillata huicsayuc cacpimi, Diosca ángel Gabrielta Galilea llacta, Nazaret puebloman cacharca.

HECHOS 10:3

Shuc punzha, quimsa horas chishita Diosta mañacucpi, Dios cachashca ángel muscuipi shina cungailla ricurishpaca: —Cornelio— nirca.

HECHOS 10:9

Cayandi punzha, chai runacuna Jope puebloman ñanta chayacucpica, chaupi punzha shina cacpimi, Pedroca pai pozana huasi jahuaman huichicushpa, Diosta mañacurca.

HECHOS 12:7

Chashna Pedro sueñucucpimi, Mandac Dios cachashca ángel cungailla ricurishpa, chai ucuta achicyachirca. Chai ángel Pedrota tuparishpa ricchachishpaca: «¡Utca jatari!» nirca. Chashna nicpica, huatashca cadenaca Pedropac maquicunamanta cacharirishpa urmarcallami.

HECHOS 3:1

Quimsa horas chishimi, Pedroca Juanhuan Diosta mañangapac Diosta mañana huasiman rirca. Chai horasmi mañana horas carca.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

HEBREOS 1:7

Angelcunamanta Dios rimashpaca: “Angelcunaca huaira shina cachun, shinallatac ñucata serviccunaca nina japiricuc shina cachun” ninmi.

APOCALIPSIS 9:17

Ñucaca caballocunatapish, chaipi tiyacuccunatapish muscuipi shinami ricurcani. Chaicunaca zafiro shina azul, azufre shina quillu nina shina jagan nicuc fierrohuan pechota jarcarishcami carcacuna. Caballocunapac umaca leonpac uma shinami carca. Shimimantaca ninapish, cushnipish, azufrepish llucshicurcami.