DANIEL 9:18 - Dios Rimashcata Quillcashcami

¹⁸ Mandac Dioslla, cambac ringrihuan ñuca mañashcata uyaiyari. Cambac ñahuihuan ñucanchic causanatapish, cambac shutita mañana pueblotapish ricuiyari. Ñucanchicca mana cashcata ruhuac cashcamantachu, chashna cutinpish, cutinpish mañacunchic, ashtahuanpish can yallita llaquic cashcamantami chashna mañacunchic.

DANIEL 9:18 Iomraidhean Croise

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

2 REYES 19:16

Mandac Dioslla, cambac ringrihuan uyaiyari, cambac ñahuihuan ricuiyari. Senaquerib nichun cachashcacunata uyaiyari. Paica causac Diosta mana alli nichunmi cachashca.

SALMOS 116:1

Mandac Diostaca cuyanimi. Paimi ñuca mañashcatapish, ñuca caparishcatapish uyarca.

SALMOS 25:6

Mandac Dios ñucata yuyariyari, canca huiñaita llaquic Diosmari cangui.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ISAÍAS 37:17

Mandac Dioslla, cambac ringrihuan uyaiyari. Mandac Dioslla, cambac ñahuita pascashpa ricuiyari. Senaquerib causac Diosta camishpa rimachun cachashcata uyaiyari.

ISAÍAS 43:7

Ñuca shutipi cayashcacunataca tucuita cachaichic. Paicunataca sumaimana cachunmi ruhuarcani» ninmi.

ISAÍAS 64:12

Mandac Dioslla, cai tucuita ricushpaca, ¿manachu imata ruhuagringui? ¿Chashna upalla saquishpachu, ñucanchictaca llaquichicunguilla?

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

JEREMÍAS 14:7

Mandac Dioslla, ñucanchic juchacunallatac ñucanchic mana alli cashcata ricuchicucpipish, cambac shutita cuyashcamanta quishpichiyari. Ñucanchicca canta mana cazushpa, juchata ruhuashpami yallita canta piñachircanchic.

JEREMÍAS 14:9

¿Ima nishpatac mancharishpa imatapish mana ruhuai pudic runa shina tucungui? ¿Ima nishpatac shuc sinchi runa mana quishpichi pudic shina tucungui? Shina cashpapish, Mandac Dioslla, canca ñucanchic-huanmi cangui. Ñucanchicca cambac shutipi cayashcami canchic. ¡Ñucanchictaca ama saquichu!

JEREMÍAS 15:16

Tucuita Mandac Dioslla, can rimashcata uyashpaca tucui micuc shinami chasquircani. Can rimashcaca ñuca shunguta yallita cushichicmi carca. Ñucaca cambac shutipi cayashcami cani.

JEREMÍAS 25:29

Chaica, ñuca shutita mañac llactataracmi llaquichi callarircani. Cancunaca chai llaquimanta, ¿quishpirishunmi yuyanguichicchu? ¡Cai llaquimantaca mana quishpiri pudinguichicchu! Tucui cai pachapi causaccunatami jatun macanacuita cachashpa llaquichigrini” ninmi. Chaitaca tucuita Mandac Dios ñucami nini.

JEREMÍAS 36:7

Paicuna mañashcata Mandac Dios uyaringapishchari. Shinallatac mana alli ruhuanata saquishpa, Mandac Diospac cuchuman chayaringapishchari. Mandac Diosca cai gentecunahuan yallita piñarishcami» nirca.

JEREMÍAS 37:20

Jatun mandac ñuca amolla, ñuca mañashcata uyaiyari. Ñucaca quillcac Jonatanpac huasipi huañunataca mana munanichu. Ama chaiman cutin cachaichu— nirca.

EZEQUIEL 36:22

Chaimanta canca israelcunataca: “Mandac Diosca: Israelcunalla, shuctac llactapica jucha illac ñuca shutitaca yangapimi churarcanguichic. Chaimanta caitaca mana cancunamantachu ruhuagrini. Ashtahuanpish jucha illac ñuca shutimantami ruhuagrini.

EZEQUIEL 36:32

Mandac Dios ñucami nini: ¡Israelcunalla, caitaca mana cancunamantachu ruhuani! ¡Chaitaca allita yachaichic! ¡Cancuna mana allita ruhuashcamantaca cancunallatac pingarishpa upayaichic!

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

NÚMEROS 6:27

Ñuca shutipi israelcunata bendiciacpimi, ñucapish paicunataca bendiciasha» nirca.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.