DANIEL 9:13 - Dios Rimashcata Quillcashcami

¹³ Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.

DANIEL 9:13 Iomraidhean Croise

2 REYES 22:16

Mandac Diosca: ‘Riqui, ñucami cai llactamanpish, cai llactapi causaccunapac jahuamanpish jatun llaquita cachagrini. Judá llactata jatun mandacpac ñaupapi rezashca libropi nishca shinami tucui llaquicunata cachasha.

JOB 36:13

Shungupi millai yuyaita chariccunaca paicunapac shungu ucullapimi piñarishpa mucuricuncuna. Dios paicunata llaquichicpipish, mana caparishpa mañancunachu.

SALMOS 119:18

Cambac sumaimana mandashcata ricungapac ñuca ñahuita pascaiyari.

SALMOS 119:27

Cambac sumaimana shimicunataca yuyarirasha ninimi. Can mandashcacunata entendichiyari.

SALMOS 119:73

Cambac maquihuanmi ñucata ruhuarcangui. Can mandashcacunata allita yachacungapac ñucata entendichiyari.

SALMOS 85:4

Ñucanchicta quishpichic Dioslla, punta alli causacushca shinallatac causangapac alli causaita cuiyari. Ñucanchic-huan piñarishcata cungariyari.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 42:9

Ñuca utcaman huillashcaca ñami pactashca. Cunanca manarac pasashca, manarac tucushcatami huillacuni» nirca.

ISAÍAS 43:22

Jacobopac huahuacunalla, chashna cacpipish, ñucata mana mañashpami causarcanguichic. Israelcunalla, ñucapaclla causanataca amirircanguichicmi.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

ISAÍAS 64:7

¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

JEREMÍAS 30:14

Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

JEREMÍAS 44:23

Cancunallatacmi Mandac Diosta cungarishpa, shuctac dioscunaman inciensota rupachishpa, juchata ruhuarcanguichic. Mandac Dios mandashcacunatapish, pactachichun rimashcatapish, ima shina causanata yachachishcacunatapish mana cazurcanguichicchu. Chaimantami cai tucui llaquicunahuan cunan punzhacaman causacunguichic» nirca.

JEREMÍAS 44:27

Ñuca paicunaman ima allita ruhuanapac randica, llaquichingapacmi chaparacuni. Egipto llactapi causac Judá gentecunami jatun macanacuipi yarcaihuan huañushpa tucuringa.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

LAMENTACIONES 5:21

Mandac Dioslla, ñucanchicta cambacman cutimuchun saquiyari. Can cayacpica, ñucanchicca cutishunllami. Ñaupa huatacunapi ñucanchic causashca shina, cunan punzhacunatapish ruhuaiyari.

EZEQUIEL 16:43

Can huambrarac cashpa, ima shina causacushcata mana yuyarishpami, cai tucui millaicunata ruhuashpa, ñucata llaquichircangui. Chashna millaita ruhuashcamantami ñucapish cantaca yallita llaquichisha. Canca yallita millaicunata ruhuashpami, yallita ñucata piñachircangui.

DANIEL 9:11

Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.

OSEAS 7:10

Israelcunataca paicuna jatun tucushcallatacmi llaquichinga. Shina cacpipish, paicunaca Mandac Dios ñucapacman cutinata mana munanchu. Paitaca mana mashcanchu.

OSEAS 7:14

Paicunaca camapi caparicushpapish, mana ñucatachu tucui shunguhuan mañarca. Trigota, llullu vinota tandachingapac chugririshpapish, ñucatami piñachirca.

OSEAS 7:7

Tucui paicunami rupacuc horno shina, paicunapac juezcunataca tucuchirca. Jatun mandaccunapish tucuimi huañurca. Paicunapurapica shucllapish ñucata mañacca mana tiyanchu.

SAN LUCAS 24:45

Chai ratomi paicunapac yuyaita cushpa, Dios quillcachishcata alli entendichirca.

SAN JUAN 10:35

Dios quillcachishcataca mana llullanchu. Chaitaca yachanguichicmi. Diosca pai rimashcata uyaccunataca “cancunami dioscuna canguichic” nircami.

SAN JUAN 6:45

Dios ima nishcata huillaccuna quillcashcapica: “Tucuimi Dios yachachishca canga” nin. Chaimantami, maijanpish Dios ima nishcata uyashpa, paimanta yachacucca, ñucapacman shamunga.

SAN JUAN 8:32

Chashnami cashcata nic cashcata ricsinguichic. Chai cashcata nic rimashcami cacharichinga— nirca.

EFESIOS 4:21

Cancunaca Jesusmanta cashcata nic huillashcata uyashpami, pai munashca shina causanata yachacurcanguichic. Chaitaca allitami yachani.

DEUTERONOMIO 29:4

Chashna cacpipish, Mandac Diosca cunancamanmi chaicunata entendichunca yuyaitapish, ñahuitapish, ringritapish mana cushca.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.