DANIEL 8:4 - Dios Rimashcata Quillcashcami

⁴ Chai cari ovejaca inti tigrana ladoman, jahua ladoman, ura ladoman causaccunatami gachucunahuan llaquichicurca. Chai cari ovejahuanca ima animalpish mana chimbapurai pudircachu. Chai animalpac fuerzamantaca imapish mana quishpiri pudircachu. Pai munashcata ruhuashpami, punzhanta jatunyashpa caticurca.

DANIEL 8:4 Iomraidhean Croise

1 REYES 22:11

Quenaanapac churi Sedequiasca fierromantami gachucunata ruhuachishca carca. Chashna ruhuachishpami paica: «Mandac Diosca: “¡Cai gachucunahuanmi siriocunataca sacmashpa tucuchingui!” ninmi» nirca.

JOB 10:7

Canca, ñuca mana juchayuc cashcatapish, cambac maquimanta pi mana quishpichi pudishcatapish canllatacmi yachangui.

SALMOS 44:5

Can ayudacpimi, ñucanchicta piñaccunataca mishashun. Cambac shutipimi ñucanchicta piñaccunataca sarushun.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 7:2

Paicuna ñucata japishpaca león shinami pitinacunga. Chashna ruhuacpica pipish mana misangachu.

EZEQUIEL 34:21

Cancunaca tullu ovejacunataca huicsahuan, rigrahuan, gachucunahuanmi tangashpa, caita chaita cacharcanguichic.

DANIEL 11:16

Paicunahuan macanacuc shamuc jatun mandacca pai munashcata ruhuashpami llaquichinga. Pipish paihuanca mana chimbapurai pudingachu. Paica sumaimana llactapimi sinchita mandashpa tucuita tucuchinga.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 5:19

Chashna jatun mandac cacpimi, tucui llactacunapish, jatun llactapi causaccunapish, tucui rimaita rimaccunapish paipac ñaupapica chucchuc carca. Pai maijanta huañuchisha nishpaca huañuchicmi carca. Maijanta causacta saquisha nishpaca, causacta saquicmi carca. Maijanta jatunyachisha nishpaca jatunyachicmi carca. Maijanta cumurichisha nishpaca cumurichicmi carca.

DANIEL 5:30

Chai tutallatacmi caldeocunata jatun mandac Belsasarca huañurca.

DANIEL 7:5

Quipa animalca oso shinami carca. Chai animalpac costillasca shuc ladoca yallimi carca. Quimsa costillasta quirupi canichishpa shimipi apashcami carca. Chai animaltaca: “¡Jatarishpa, sacsangacaman achca aichata micui!” nircami.

DANIEL 8:7

Chai cari ovejapac cuchuman chayashpami, yallita piñarishpa llaquichirca. Chashna paipac gachuhuan tacashpami, chai cari ovejapac ishcai gachucunata paquirca. Chaimantami chai cari ovejaca shayaringapacllapish mana fuerzata charirca. Shina cacpimi, pambaman urmachishpa sarunacurca. Chashna chai cari chivo llaquichicucpica, chai cari ovejataca pipish mana misarcachu.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

DEUTERONOMIO 33:17

Punta huacharishca huagra shina sumaimana cachun. Sacha huagrapac gachu shina fuerzasapami. Chai fuerzahuanmi shuctac llactacunataca cai pacha tucuricaman catishpa cachanga. ¡Efrainpac huahua huahuacunapish, Manasespac huahua huahuacunapish huaranga huarangami canga!» nirca