DANIEL 8:2 - Dios Rimashcata Quillcashcami

² Chaitaca Elam llactapi tiyac jatun llacta Susapi cashpami ricurcani. Shinallatac Ulai yacu ladopi cashpami, chashna muscuipi shina ricurcani.

DANIEL 8:2 Iomraidhean Croise

GÉNESIS 10:22

Sempac churicunaca: Elam, Asur, Arfaxad, Lud, Arammi carca.

GÉNESIS 14:1

Jatun mandac Amrafel Sinar llactata mandacui punzhacunapica jatun mandac Ariocca Elasar llactatami mandacurca. Jatun mandac Quedarlaomerca Elam llactatami mandacurca. Cutin jatun mandac Tidalca Goim llactatami mandacurca.

NEHEMÍAS 1:1

Hacaliaspac churi Nehemías rimashpaca: Ishcai chunga huatapac Quisleu nishca quillapi, Susa jatun pueblopi ñuca cacpimi,

ESTER 1:2

Jatun mandac Asuero jatun mandaccuna causana Susa pueblopimi mandacurca.

ESTER 2:8

Jatun mandac mandashpa quillcashca tucui llactacunapi uyaricpica, jatun mandac causana Susa pueblopimi carihuan manarac chayarishca achca solteracunata tandachirca. Paicunataca Hegaimi cuidacurca. Estertapish huarmicunata cuidac Hegai cuidachunmi jatun mandacpac huasiman pusharca.

ESTER 3:15

Jatun mandac mandacpimi, quillcata apaccunaca utca llucshirca. Chai mandashcataca llactata mandana Susa pueblopimi quillcarca. Chai quipami jatun mandac-huan, Amanhuanca ubiangapac tiyarirca. Ashtahuanpish Susa pueblopi causaccunaca yallitami mancharirca.

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

ESTER 8:15

Mardoqueoca jatun mandacpac ñaupamantaca jatun mandaccuna churarina azul yurac churanahuan, jahualla churanatapish lino puchcahuan ruhuashca morado churanata churashca, umapica jatun curi coronata churashcami llucshirca. Chashna churashcata ricushpami, Susa pueblopi causaccunaca yallita cushicurca.

ESTER 9:11

Chai punzhallatacmi jatun mandac Asueroca pai mandacuc Susa pueblopi mashna huañushcata yachac chayarca.

ESTER 9:15

Susa pueblopi causac Judá gentecunaca Adar quilla chunga chuscu punzhapimi cutin tandanacushpa Susa pueblopi causaccunataca quimsa patsac runacunata huañuchirca. Shina huañuchishpapish paicuna ima charishcacunataca mana japircacunachu.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

JEREMÍAS 25:25

Zimri, Elam, Media llactacunata jatun mandaccunamanpish curcanimi.

EZEQUIEL 1:1

Quimsa chunga huata, chuscu quilla, pichca punzha cacpimi ñucaca prezu rishcacunahuan Quebar yacu patapi carcani. Chaipi cashpami, jahua pacha pascaricpi, Dios ricuchishcata muscuipi shina ricurcani.

EZEQUIEL 32:24

Chaipimi Elampish tucui paipac gentecunandi siricun. Tucui paicunami jatun macanacuipi huañurca. Tucui llactacunata manchachishpa causaccunaca circuncisionta mana ruhuashca gentecunahuan pactami ashtahuan ucuman rishca. Paicunapish caishuc enterrashca gentecuna shinami mana alli nishca siricun.

DANIEL 10:4

Huata callari quilla ishcai chunga chuscu punzhapimi Tigris jatun yacu patapi shayacurcani.

DANIEL 7:15

Daniel ñucaca yallitami mancharircani. Chai muscuipi shina ricurishcamantaca yallitami llaquirircani.

DANIEL 7:2

Chashna quillcashpami Danielca: «Ñucaca shuc tutami muscuipi shina jahua pacha huaira chuscu ladomanta mama cuchata caiman chaiman cuyuchicucta ricurcani.

DANIEL 8:1

Jatun mandac Belsasar quimsa huatata mandacucpimi, Daniel ñucaca utcapi ricushca shinata cutin muscuipi shina ricurcani.

DANIEL 8:3

Ñuca alzarishpa ricushpaca, chai yacu ladopi ishcai gachuyuc shuc cari ovejatami ricurcani. Chai gachucuna mai jatun cashpapish, shuc gachumi ashtahuan jatun carca. Chai ashtahuan jatun gachuca quipata huiñashcami carca.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

HEBREOS 1:1

Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

APOCALIPSIS 9:17

Ñucaca caballocunatapish, chaipi tiyacuccunatapish muscuipi shinami ricurcani. Chaicunaca zafiro shina azul, azufre shina quillu nina shina jagan nicuc fierrohuan pechota jarcarishcami carcacuna. Caballocunapac umaca leonpac uma shinami carca. Shimimantaca ninapish, cushnipish, azufrepish llucshicurcami.