DANIEL 7:6 - Dios Rimashcata Quillcashcami

⁶ Ñuca ricucucllapitacmi shuctac leopardo shina animal ricurirca. Chai animalca volac animalpac chuscu alastami lomopi charirca. Shinallatac chuscu umatami charirca. Chai animalmanmi llactata mandachun curca.

DANIEL 7:6 Iomraidhean Croise

EZEQUIEL 17:3

parlashpa: “Mandac Diosca: Jatun alasyuc, tauca color achca plumacunayuc shuc jatun angami Líbano urcumanta cedro yura ñahuita apangapac shamurca.

DANIEL 10:20

Shina nicpimi paica: “¿Imapac cambacman shamushcata yachanguichu? Cunanca Persia llactata mandaccunahuan macanacungapac cutinami cani. Paita mishashca quipaca, Grecia llactata mandacmi macanacungapac shamunga.

DANIEL 2:39

Cambac quipaca shuc yangalla jatun mandacmi mandai callaringa. Chai quipaca bronce shina, jatun mandacmi mandai callaringa. Paimi tucui cai pachata mandanga.

DANIEL 7:4

Punta animalca león shinapish, anga shina alascunayucpishmi carca. Ñuca ricucucllapitacmi paipac alascunata piticpi, pambamanta jatarishpa, runa shina ishcai chaquihuan jatarirca. Chai animalmanca runapac yuyaitami curca.

DANIEL 7:5

Quipa animalca oso shinami carca. Chai animalpac costillasca shuc ladoca yallimi carca. Quimsa costillasta quirupi canichishpa shimipi apashcami carca. Chai animaltaca: “¡Jatarishpa, sacsangacaman achca aichata micui!” nircami.

OSEAS 13:7

Chaimantami ñucaca cancunapacca león shina casha. Leopardo shinami ñanpi muyushpa llaquichisha.

APOCALIPSIS 13:2

Chai ñuca ricushca manchana animalca leopardoman ricchami carca. Chaquica osopac chaqui shina, shimica leonpac shimi shinami carca. Dragonmi pai shina mandashpa tiyarinatapish, poderyuc canatapish, shinallatac mandanatapish chai manchana animalman curca.