DANIEL 6:8 - Dios Rimashcata Quillcashcami

⁸ Jatun mandaclla, Media, Persia llactacunapi causaccunapac mandashcacunata shina quillcashpa, cambac shutita churai. Chai mandashcataca pi mana shuctayachingachu— nirca.

DANIEL 6:8 Iomraidhean Croise

ESTER 1:19

Chaimanta can jatun mandacman alli ricuricpica, can jatun mandac shuc mandashcata quillcashpa: “Jatun mandac Vasti huarmica jatun mandac Asueropac ñaupaman ama ashtahuan shamuchun” nishpa mandai. Shinallatac can jatun mandacca chai huarmipac randica shuc ashtahuan alli huarmita jatun mandac huarmi cachun churai. Chai mandashca ama yanga cachunca Persia, Media llactata mandaccunamanpish quillcangui.

ESTER 3:12

Shina nicpimi, Amanca huata callari quilla chunga quimsa punzhapi jatun mandacpac quillcaccunata cayarca. Jatun mandac churashca sátrapas nishca mandaccunata, tucui llactapi soldadocunata mandaccunata, tucui gentecunata mandaccunata Amán mandashca shinallatacmi tucui llactapi ima shina quillcanata yachashca shinallatac tucui gentecunapac rimaipi quillcachirca. Jatun mandac Asueropac shutipi quillcashpami, jatun mandacpac sortejas-huan sellarca.

ESTER 8:10

Chai quillcacunataca jatun mandac Asueropac shutipi quillcashpami, paipac sortejasllahuantac sellashpa quillcata apaccunaman cacharca. Paicunataca jatun mandacpac michina pambacunapi tiyac yallita callpac caballocunapimi cacharca.

ESTER 8:3

Esterca jatun mandac-huan cutin parlanacungapac shamushpami paipac chaqui ñaupapi huacashpa cungurirca. Shina cungurishpami Agageopac huahua huahuapuramanta Amán Judá llacta gentecunata huañuchishpa mana allita ruhuangapac mandashcata anchuchichun mañarca.

ESTER 8:8

Judá llacta gentecunapac ashtahuan ima alli cana cacpica, cancunallatac jatun mandac ñuca shutipi quillcaichiclla. Chaica jatun mandac ñucapac shutipi quillcashpa, jatun mandac ñucapac sortejas-huan sellashcataca pipish mana anchuchi pudinchu— nirca.

SALMOS 94:21

Paicunaca cashcata ruhuacta huañuchingapac yuyarinacushpami, manapish faltayuc runata huañuchincuna.

ISAÍAS 10:1

¡Aij, mana alli mandashcacunata churaccunalla! ¡Shuccunata llaquichingapac mandashcata churaccunalla!

DANIEL 5:28

PARSIN nishpaca, can mandana llactata chaupishpa shuc partetaca Media llacta runacunaman, shuc partetaca Persia llactapi causaccunaman cuna cashcatami nisha nin— nirca.

DANIEL 6:12

Chaimantami chai mandaccuna jatun mandacpacman rishpa, chai mandashcamanta tapushpaca: —Jatun mandaclla, ¿manachu maijanpish shuctac diosta, mana cashpaca cambac randi shuctac runata alli nictaca leoncuna causana jutcupi shitashca cachun, mandashcata quillcashpa, cambac shutita churarcangui?— nirca. Shina nicpimi, jatun mandacca: —Chashnami Media, Persia llactacunapi causaccunapac mandashcacuna shina pi mana shuctayachipacta mandarcani— nirca.

DANIEL 6:15

Shina cacpipish, chai mandaccuna jatun mandacpacman shamushpaca: —Jatun mandaclla, Media, Persia llactacunapi causaccunapac mandashcacuna shinata can jatun mandac churashcataca pi mana shuctacyachipac nicushcataca yuyarinami cangui— nirca.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.