DANIEL 6:5 - Dios Rimashcata Quillcashcami

⁵ Chaimantami chai mandaccunaca: «Cai Danieltaca ima shina mana juchanchi pudishunchu. Ashtahuanpish paipac Dios mandashcacunallahuantac juchanchishunchic» nirca.

DANIEL 6:5 Iomraidhean Croise

ESTER 3:8

Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

SALMOS 37:32

Diosta mana manchac runaca cashcata ruhuac runata huañuchingapacmi pacalla chapacun.

JEREMÍAS 29:7

Cancuna prezu tiyacuc llactapi cushi causai tiyachun munaichic. Chai llactapi cushi causai tiyacpica, cancunapish casillami causanguichic. Chaimanta cushi causai tiyachun ñucata mañaichic.

1 SAMUEL 24:17

Chai quipami Davidtaca: —Ñuca canta mana allita ruhuacucpipish, canca allitami ñucamanca ruhuashcangui. Chaimantami canca ñucata atishpa cashcata ruhuac cangui.

1 SAMUEL 29:3

Chaita ricushpami, filisteocunata mandaccunaca: —¿Cai hebreocunaca imatatac caipica ruhuacuncuna?— nirca. Shina tapucpimi, Aquisca filisteocunata mandaccunataca: —Paica Israel llactata jatun mandac Saulta servic Davidmari. Paica tauca punzhacunata, huatacunatami ñucahuan causarca. Ashtahuanpish paica ñucapacman shamushca punzhamanta pacha, cunan punzhacaman ima mana allitaca mana ruhuashcachu— nirca.