DANIEL 6:22 - Dios Rimashcata Quillcashcami

²² Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

DANIEL 6:22 Iomraidhean Croise

GÉNESIS 40:15

Ñucataca hebreocunapac llactamantami shuhuashpa pushamurca. Ñuca carcelpi cangapacca, ima millaita mana ruhuashcanichu— nirca.

2 SAMUEL 22:7

Llaquilla cashpami, Mandac Diosta mañarcani. Ñuca Diostami caparircani. Ñuca caparishcataca paipac huasimanta uyarca. Ñuca caparishcaca paipac ringrimantacmi uyarirca.

1 REYES 13:28

Chai burropi rishpami, Diospaclla runataca ñanpi huañushca siricucta tarirca. Shinallatac burropish, leonpish chai huañushcapac ladollapimi shayacushca carca. Leonca huañuchishpapish mana micushcachu carca. Burrotapish mana imata ruhuashcachu carca.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

SALMOS 118:28

Ñuca Diosca canmi cangui. Cantami pagui nisha. Ñuca Dioslla, cantami jatunyachisha.

SALMOS 26:6

Mandac Dioslla, ñuca ima millaita mana ruhuashcamantami, maquita jahuarishpa cambac altar muyundiman risha.

SALMOS 31:14

Shina cacpipish, Mandac Dioslla, canpi shunguta churashpami: «Canmi ñuca Dios cangui» nircani.

SALMOS 34:7

Mandac Diosta manchaccunataca paipac angelmi muyundita cuidashpa charicun.

SALMOS 38:21

Mandac Dioslla, ama ñucallata saquichu. Ñuca Dioslla, ama ñucamanta caruyaichu.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

JEREMÍAS 37:18

Shinallatac Jeremiasca jatun mandac Sedequiastaca: —Ñucata carcelpi churachunca, ¿ima mana allitatac cantapish, canta serviccunatapish, cai gentecunatapish, ruhuarcaniyari?

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

DANIEL 6:20

Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

DANIEL 6:23

Shina nicpimi, jatun mandacca yallita cushicushpa, Danielta chai jutcumanta llucchichun mandarca. Shina mandacpimi, Danieltaca chai jutcumanta llucchirca. Danielca Diospimi shunguta churarca. Chaimantami chai leoncuna causana jutcupica ima mana tucurca.

DANIEL 6:4

Chaimantami prefectocunapish, caishuc mandaccunapish Danielta juchanchingapac pai ima shina mandacucta ricushpalla puricurca. Shina cashpapish, ima pandaita mana tarircachu. Chaica Danielca imatapish allillatami ruhuac carca. Chaimantami ima pandaitapish, ima juchatapish mana tarirca.

DANIEL 6:7

Maijanpish shuctac diosta, mana cashpaca cambac randi shuctac runata alli nictaca leoncuna causana jutcupi shitashca cachun shuc mandashcata quillcachunmi, llactata tucui mandaccunapish, soldadocunata mandaccunapish, prefectocunapish yuyarishcanchic.

MIQUEAS 7:7

Ashtahuanpish ñucaca Mandac Diospac maquipimi casha. Ñucata quishpichic Diostami shuyasha. ¡Ñucata Mandac Diosca ñuca mañashcataca uyangami!

NÚMEROS 20:16

Chaimantami ñucanchic Mandac Diostaca caparishpa mañarcanchic. Chashna mañacpica, Mandac Dios uyashpami paipac angelta Egiptomanta llucchichun cacharca. Cunanca cambac llacta lindero cuchulla Cadespimi canchic.

SAN MATEO 27:46

Chai horasllatacmi Jesusca: «Elí, Elí, ¿lama sabactani?» nishpa, caparirca. Chaica: “Ñuca Dios, ñuca Dios, ¿ima nishpatac ñucallata saquinguiyari?” nisha ninmi.

HECHOS 12:11

Chaimanta Pedro yuyaita japishpaca: «Cunanca, israelcunapac maquimantapish, Herodespac maquimantapish quishpichingapac Mandac Dios paipac angelta cachashcatami yachani» nirca.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

HECHOS 27:23

Cunan tutami ñuca alli nina Diospac ángel ñucahuan carca.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

1 SAMUEL 17:37

Chashnallatacmi Davidca: —Mandac Diosca leonpac, osopac shimimantapish quishpichircami. Paillatacmi cai filisteo runapac maquimantapish quishpichinga— nirca. Shina nicpimi, Saulca Davidtaca: —¡Shina cashpaca rilla! Mandac Dios canhuan cachun— nirca.

1 SAMUEL 26:18

Shinallatac: —¿Ima nishpatac ñucata mandac canta servic ñucataca llaquichingapac catinguiyari? ¿Imatatac ruhuashcaniyari? ¿Ima mana allitatac ñuca maquihuanca ruhuashcaniyari?