DANIEL 4:34 - Dios Rimashcata Quillcashcami

³⁴ Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

DANIEL 4:34 Iomraidhean Croise

2 SAMUEL 22:31

Mandac Diospac ñanca jucha illacmi. Mandac Dios rimashcaca, pipish mana juchanchipacmi. Paipi shunguta churaccunapacca jarcarina escudomi.

1 CRÓNICAS 29:10

David tucui tandanacushcapac ñaupapi Mandac Diosta alli nishpaca: «¡Ñucanchic ñaupa taita Israelpac Mandac Dioslla, cantaca huiñaita alli nishca cachun!

1 CRÓNICAS 29:13

Chaimantami ñucanchic Dioslla, cambac sumaimana shutitaca alli ninchic.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

SALMOS 10:16

¡Mandac Diosca huiñaita jatun mandacmi! Paipac allpamantaca mana cazuccunaca chingaringami.

SALMOS 102:24

Chashna ruhuacpimi ñucaca: «Ñuca Dioslla, ama ñuca causana chaupi punzhacunata quichuichu. ¡Cambac huatacunaca huiñai huiñaitami can!»

SALMOS 107:15

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish pagui nichicyari!

SALMOS 107:22

Paita pagui nishpa animalta cushpa, pai allicunata ruhuashcacunata cushicushpa cantaichicyari.

SALMOS 107:31

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish paqui nichicyari!

SALMOS 107:8

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish pagui nichicyari!

SALMOS 111:7

Pai ruhuashcacunapica ima llulla mana tiyanchu. Cashcallata ruhuashcami. Pai mandashcacunaca ima pandaita mana charinchu.

SALMOS 121:1

Urcucunata huichai ricushpaca: «¿Maimantatac ñucata ayudacca shamunga?» nini.

SALMOS 123:1

Jahua pachapi causac Dioslla, cantami huichai ricushpa mañani.

SALMOS 145:13

Can mandanaca huiñai huiñaitami. Can mandashpa causanaca huahua huahuacunacamanmi.

SALMOS 146:10

Mandac Diosca huiñaitami mandanga. Sionpi causaccunalla, cancunapac Diosmi huahua huahuacunacaman mandanga. ¡Mandac Diosta alabaichicyari!

SALMOS 50:14

¡Jahua pachapi causac Ñucaman imata cushpa pagui ni! Ñucaman cusha nishcata pactachi.

SALMOS 66:7

Paica tucuita ruhuac cashpami huiñaita mandacun. Paipac ñahuica tucui llactatami chapacun. Paita mana cazuccunaca mana jatun tucungachu.

SALMOS 7:17

Cashcata ruhuac Diostaca alabashami. Jahua pachapi causac Mandac Diospac shutitaca cantacushallami.

SALMOS 9:2

Canmantami yallita cushicushpa caparisha. Jahua pachapi causac Dioslla, cambac shutitaca cantashami.

SALMOS 92:1

Mandac Diosta jatunyachishpa cantanaca mai sumacmi. Jahua pachapi causac Dioslla, canta salmocunahuan cantana sumacmari.

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 24:15

Chaimantami inti llucshina ladopi causaccunapish, mama cucha patapi causaccunapish israelcunata Mandac Diosta jatunyachishpa, alli ningacuna.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

LAMENTACIONES 3:38

¿Manachu allipish, mana allipish jahua pacha Diosmanta shamunga?

DANIEL 12:7

Shina nicpimi, jatun yacu jahuapi lino churanata churashca shayacuc runaca alli maquitapish, lluqui maquitapish alzashpa huiñaita causac Diospac shutipi rimashpaca: “Quimsa huata chaupipimi chaica canga. Tucui caicunaca Diospaclla causaccuna mana ashtahuan llaquichishca cacpimi pactanga” nirca.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

DANIEL 4:2

Jahua pacha Dios ñucaman milagrocunata, pi mana ruhuaipacta ruhuashpa ricuchishcata cancunaman huillana alli cacpimi huillani.

DANIEL 4:26

Cutin chai yura troncota chaillapitac saquishcaca, jahua pacha Dios jatun mandac cashcata, can yachashca quipa, canllatac sinchita mandashpa catinatami nisha nin.

DANIEL 4:3

¡Pai mancharinacunata, pi mana ruhuaipacta ruhuashcaca mai sumacmi! Paica huiñai huiñaitami mandacunga. Quipa huahua huahuacaman mandacungallami.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

DANIEL 4:36

Chai horasllatacmi yuyaita japircani. Ñuca mandana llactatapish allichishpa cutinllatac alli nishcami carca. Shinallatac ñucata ayudashpa mandaccunapish, ñucata cunaccunapish cutinmi ricuc shamurca. Chashnami ñuca mandana llactataca cutin mandacurcani. Ashtahuan alli nishca mandacmi tucurcani.

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

DANIEL 7:27

Chaipimi cai pacha mandanatapish, jahua pacha ucupi tiyac sinchi mandanacunatapish jahua pacha Diospaclla caccunaman cunga. Paicunaca huiñaitami mandanga. Tucui jatun mandaccunami paicunata cazushpa servinga” nirca.

DANIEL 9:14

Chaimanta Mandac Dioslla, llaquichinata yuyarishpa ñucanchicta llaquichishcangui. Ñucanchicta Mandac Dios canca imata ruhuashpapish cashcata ruhuacmi cangui. Shina cacpipish, ñucanchicca mana cazushcanchicchu.

JONÁS 1:14

Chaimanta Mandac Diosta caparishpa mañashpaca: «¡Mandac Dioslla, cai runamantaca ama ñucanchicta huañuchichu! Cai runa mana faltayuc cacpipish, ama pai huañushcamanta ñucanchicta juchanchinguichu. Can imata ruhuanata munashcatami ruhuashcangui» nirca.

MIQUEAS 4:7

Shina tandachishpami, suchucunamantaca jatun llactata ruhuasha. Chingarishcacunamantaca sinchi llactatami ruhuasha. Mandac Dios ñucami chai punzhamanta pacha paicunataca Sión urcupica huiñaita mandasha.

SAN LUCAS 1:33

Taita Jacobopac huahua huahua israelcunatami huiñaita mandanga. Pai mandanaca manatac tucuringachu— nirca.

SAN LUCAS 18:13

Ashtahuanpish impuestota japic runaca carupi shayashpami, mana huichailla ricushpa, shungupi huactarishpa: “Dioslla, ñucaca juchasapami cani. Ñucata llaquiyari” nicurca.

SAN JUAN 5:26

Ima shinami ñuca Taitaca quiquinllatac causaita charin, chai shinallatac ñucapish causaita cuchunmi cacharca.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

APOCALIPSIS 10:6

jahua pachatapish, cai pachatapish, mama cuchatapish, tucui chaipi ima tiyaccunatapish ruhuacpac, huiñaita causacpac shutipimi: «Cunanca shuyana punzhacunaca ña mana tiyangachu.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 4:10

Chashna nicucpimi chai ishcai chunga chuscu yuyaccunaca coronacunata pambapi churashpa, huiñai huiñaita causacuc chai mandashpa tiyarinapi tiyacucpac ñaupapi cungurishpaca:

APOCALIPSIS 4:9

Huiñai huiñaita causacuc, chai mandashpa tiyarinapi tiyacuctaca, canca sumacmi cangui, allimari cangui nishpami chai chuscu causaita chariccunaca pagui nicurca.