DANIEL 4:32 - Dios Rimashcata Quillcashcami

³² Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

DANIEL 4:32 Iomraidhean Croise

2 CRÓNICAS 33:13

Chashna mañacpica, pai mañashcata uyashpami, Mandac Diosca Judá llactata paillatac mandashpa catichun, cutin Jerusalenman cutichimurca. Shina ruhuacpimi, Manasesca Mandac Diosllatac Dios cashcata yachac chayarca.

JOB 42:2

«Ñucaca cantaca tucuita ruhuac cashcatami yachani. Can imata ruhuanata yuyarishpaca tucuitami ruhuangui. Canmanca mana ruhuaipacca imapish mana tiyanchu.

JOB 9:12

Pai imata quichucpipish, ¿Pitac cutin chasqui pudingayari? Pitac: “¿Imatatac ruhuangui?” ningayari.

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

SALMOS 135:6

Mandac Diosca jahua pachapipish, cai pachapipish, mama cuchatapish, chaipi tucui tiyaccunatapish, yacucunapipish pai munashcatami ruhuan.

ÉXODO 8:10

Shina nicpimi Faraonca: —Cayallata mañashpa cui— nirca. Shina nicpimi Moisesca: —Ñucanchicta Mandac Diosca, pai shina pi shuctac mana tiyashcata yachachunca, can nishca shinallatacmi ruhuanga.

ÉXODO 9:14

Cunanca, tucuilaya llaquicunahuanmi cantapish, can churashca mandaccunatapish, tucui cambac llactapi causaccunatapish yallita llaquichigrini. Chaimantami cai pachapica ñuca shina shuctac Dios mana tiyashcata chayangui.

ÉXODO 9:29

Shina nicpimi Moisesca: —Cai llactamanta llucchishcahuanmi maquita huichaiman alzashpa, Mandac Diosta mañasha. Chashna mañacpica, relampapish jarcaringami, rundupish mana urmangachu. Chashna tucucpimi, cai allpaca, Mandac Diospac cashcata yachangui.

ISAÍAS 37:20

Mandac Dioslla, cunanca tucui cai pacha jatun mandaccuna canlla Mandac Dios cashcata yachachun, ñucanchicta paicunapac maquimanta quishpichiyari» nirca.

ISAÍAS 40:15

Diosmanca gentecunaca baldepi tamya urmacuc shinami. Ñuto allpata balanzapi churashca shinami. Riquichic, islacunataca ñuto allpata shinami pezan.

ISAÍAS 40:17

Paipac ñaupapica tucui llactacunaca mana tiyashca shinami. Paihuanca imahuan mana chimbapuraichu.

ISAÍAS 45:3

Chaipi sumac pacashcacunatapish, pi mana ricushca huacaichishcatapish canmanmi cusha. Israelcunata Mandac Diosca, ñuca cashcata yachachun, shinallatac canta shutipi cayashcata yachachunmi chashnaca ruhuasha.

JEREMÍAS 27:5

“Ñuca poderhuanmi cai pachatapish, runacunatapish, animalcunatapish, allpapi ima tiyaccunatapish ruhuarcani. Chaitaca maijan ñuca munashcamanmi cuni.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

DANIEL 4:31

Jatun mandac chashna rimashpa manarac upallayacpimi, jahua pachamanta shuc rimashpaca: «Jatun mandac Nabucodonosorlla, cambac mandanata quichushcami.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

JOSUÉ 4:24

Cai pachapi tucui causaccuna Mandac Diosca imatapish ruhuaclla cashcata yachachun, shinallatac cancunapish cancunata Mandac Diosta tucui causaipi manchashpa causachunmi chashna ruhuarca” ninguichic» nirca.