DANIEL 4:19 - Dios Rimashcata Quillcashcami

¹⁹ Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!

DANIEL 4:19 Iomraidhean Croise

GÉNESIS 31:35

Shina mashcacucpimi, Raquelca paipac taitataca: —Ñuca taitalla, quilla ungüihuan cashcamantami cambac ñaupapi mana jatari pudini, chaimanta ama piñaringuichu— nirca. Labanca tucuita mashcashpapish mana tarircachu.

GÉNESIS 32:18

“Canta servic Jacobomi can amo Esauman cai convidanata cuchun cachan. Paipish ñucanchicpac huashata shamucunmi” ninguichic— nishpami cacharca.

GÉNESIS 40:12

Shina nicpimi Joseca: —Can muscushca quimsa ramaca, quimsa punzhatami nisha nin.

1 REYES 18:7

Ñanta ricushpami, Abdiasca Elias-huan tuparca. Shina tupashpa, Eliasta ricsishpa, allpacaman cumurishpaca: —Canca, ¿manachu ñucata mandac Elías cangui?— nirca.

ÉXODO 32:32

Paicunapac juchata perdonachunmi mañac shamuni. Can mana perdonasha nishpaca, ñuca shutita cambac quillcashca libromanta anchuchingui— nirca.

JEREMÍAS 29:7

Cancuna prezu tiyacuc llactapi cushi causai tiyachun munaichic. Chai llactapi cushi causai tiyacpica, cancunapish casillami causanguichic. Chaimanta cushi causai tiyachun ñucata mañaichic.

JEREMÍAS 4:19

Shina nicpimi Jeremiasca: «¡Aij, ñuca shungulla, ñuca shungulla! Ñuca shunguca nanaihuan pitirigrinmi. Ñuca shunguca yallitami saltacun. Jatun macanacuita huillac cornetapi tocashcatapish, yallita caparishcatapish uyashpaca, ¡ima shinatac upalla cashayari!

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.

DANIEL 2:26

Shina nicpimi, jatun mandacca Beltesasar nishca Danieltaca: —¿Canca ñuca muscushcatapish, chai muscushca imata nisha nicushcatapish huillai pudinguichu?— nirca.

DANIEL 2:37

Jatun mandaclla, canca jatun mandaccunatapish mandacmi cangui. Chaica, jahua pacha Diosmi, llactata mandanatapish, fuerzatapish, mandangapac yuyaitapish canman curca.

DANIEL 4:24

jatun mandaclla, jahua pacha Dios canta llaquichigricushcatami nisha nin.

DANIEL 5:12

Chai runaca Danielmi. Paitami jatun mandacca tucuita alli yachac, allita yachacushca, allita entendic cashcamanta muscushca imata nisha nicushcatapish huillac cashcata, pipish mana yachashcata huillac cashcata ricurca. Paitami Beltesasarta shutichirca. ¡Chashna cashcamantaca Danielta cayaichic! Pai chai quillcashca imata nisha nicushcata huillachun— nirca.

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

DANIEL 5:19

Chashna jatun mandac cacpimi, tucui llactacunapish, jatun llactapi causaccunapish, tucui rimaita rimaccunapish paipac ñaupapica chucchuc carca. Pai maijanta huañuchisha nishpaca huañuchicmi carca. Maijanta causacta saquisha nishpaca, causacta saquicmi carca. Maijanta jatunyachisha nishpaca jatunyachicmi carca. Maijanta cumurichisha nishpaca cumurichicmi carca.

DANIEL 7:15

Daniel ñucaca yallitami mancharircani. Chai muscuipi shina ricurishcamantaca yallitami llaquirircani.

DANIEL 7:28

Chai ricushcacunaca caipimi tucurin. Daniel ñucaca yuyaipi yallita llaquirishpami, ñahuipish shuctaclaya tucurcani. Shina cashpapish tucui chaicunataca ñuca shungupimi huacachigrini» nirca.

DANIEL 8:27

Daniel ñucaca yallita irquiyashpami, maijan punzhacunata ungushca carcani. Ña alliyashpaca jatun mandacpac ima ruhuaicunatami ruhuashpa catircani. Ñuca muscuipi shina ricurishcata yuyarishpa manchaihuanmi carcani, pi chaimanta huillacca mana tiyarcachu.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

1 SAMUEL 1:15

Shina nicpimi Anaca: —Ñuca amito, mana machashcachu cani. Vinotapish, machana yacutapish mana ubiarcanichu. Ashtahuanpish ñuca shungupimi, achca llaquihuan cani. Chaimantami ñuca tucui almahuan Mandac Diosta mañacuni.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.

1 SAMUEL 26:15

Shina nicpimi, Davidca Abnertaca: —¿Canca tucuita yalli sinchi runami cangui? ¿Israelpurapica can shina runaca pitac tiyanyari? ¿Ima nishpatac jatun mandac cambac amotaca mana cuidarcangui? Soldadocunapuramanta shucmi jatun mandac cambac amotaca huañuchingapac yaicurca.

1 SAMUEL 3:17

Shina nicpimi Elica: —¿Diosca imatatac canman huillarca? Pai ima nishcataca mana pacashpa huillai. Canman tucui ima parlashcata pacashpa mana huillacpica, Diosllatac cantaca yallita llaquichichun— nirca.