DANIEL 4:18 - Dios Rimashcata Quillcashcami

¹⁸ Cai muscuitaca jatun mandac Nabucodonosor ñucami muscurcani. Cai muscushca imata nisha nicushcataca tucui ñuca mandana llactacunapi causac yachaccunaca mana huillai pudircachu. Chaimanta can Beltesasar huillaiyari. Canpica jucha illac dioscunapac espiritumi causan. Chaimantami cai muscui imata nisha nicushcataca huillai pudingui” nircani» nirca.

DANIEL 4:18 Iomraidhean Croise

GÉNESIS 40:12

Shina nicpimi Joseca: —Can muscushca quimsa ramaca, quimsa punzhatami nisha nin.

GÉNESIS 41:15

Shina ricpimi, Faraonca Josetaca: —Ñucami shuc muscuita muscurcani. Chai muscui imata nisha nishcata huillacca pi mana tiyanchu, ashtahuanpish muscushcata uyashpa, imata nisha nicushcata can huillaclla cashcatami uyarcani— nirca.

GÉNESIS 41:8

Tutamanta paipac shungupi chai yuyailla cashpami, Egipto llactapi causac jatun yachaccunata cayachun cacharca. Paicuna shamucpica, tucui muscushcatami huillarca. Shina huillacpipish, chai muscushca imata nisha nicushcataca pi mana huillai pudircachu.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

DANIEL 2:38

Cambac maquipimi cai pachapi causac runacunatapish, sacha animalcunatapish, jahuata volashpa ric animalcunatapish mandachun churarca. Canmi chai curi umaca cangui.

DANIEL 2:7

Shina nicpimi, paicuna cutinllatac rimashpaca: —Jatun mandaclla, canta servic ñucanchicman can muscushcata huillailla, ñucanchicca chai muscui imata nisha nicushcata huillashunllami— nirca.

DANIEL 5:15

Chai quillcashcata rezachun, chai quillcashca imata nisha nicushcata huillachunmi yachaccunata, lucerota ricushpa yachacuccunata ñucapac ñaupaman pushamurca. Shina shamushpapish, paicunaca mana huillai pudircachu.

DANIEL 5:8

Tucui yachaccuna jatun mandacpac ñaupaman shamushpapish, chai quillcashcata mana rezai pudircachu. Chai quillcashca imata nisha nicushcatapish mana huillai pudircachu.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.