DANIEL 4:17 - Dios Rimashcata Quillcashcami

¹⁷ Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 4:17 Iomraidhean Croise

1 REYES 21:25

Acab shinaca Mandac Diospac ñaupapi millaita ruhuacca pipish mana tiyarcachu. Paitaca paipac huarmimi millaita ruhuachicurca.

2 CRÓNICAS 28:22

Ashtahuanpish jatun mandac Acazca chai huatacunapi yallita llaqui tucucushpapish, Mandac Diosta llaquichishpami ashtahuan juchata ruhuarca.

SALMOS 103:19

Mandac Diosca pai mandashpa tiyanata jahua pachapi churashpami tucuita mandacun.

SALMOS 12:8

Millai runacunata tucui alli nicpimi, paicunaca maipipish muyucuncuna.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

ÉXODO 9:16

Ashtahuanpish ñuca imatapish ruhuai pudic cashcata ricuchingapac, cai pachapi causaccunaman ñuca pi cashcata ricuchingapacmi mana chashna tucuchircani.

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

ISAÍAS 6:8

Chai quipa Mandac Dios rimashca uyarishpaca: —¿Pitatac cachashayari? ¿Pitac ñucanchicmanta huillagringayari?— nirca. Shina nicpimi ñucaca: —Caipimi cani. Ñucata cachailla— nircani.

EZEQUIEL 25:17

Paicunatami yallita piñarishpa, llaquichisha. Chashna yallita llaquichicpimi, ñucataca Mandac Dios cashcata yachangacuna” ninmi ningui» nirca.

EZEQUIEL 7:24

Paicunapac huasicunata quichuchunca, millai shuctac llacta gentecunatami pushamusha. Chashnami jatun tucushca gentecunataca chingachisha, paicunapac ruhuashcalla dioscunapac huasicunatapish yangatami ruhuasha.

DANIEL 11:21

Paipac randica, maita mana jatun mandac tucuipac mana alli nishca runami mandangapac shamunga. Cungailla llullacunahuan shamushpami, mandana llactata japinga.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

DANIEL 4:2

Jahua pacha Dios ñucaman milagrocunata, pi mana ruhuaipacta ruhuashpa ricuchishcata cancunaman huillana alli cacpimi huillani.

DANIEL 4:25

Cantaca gentecunapuramantami llucchishpa cachanga. Chaimantami canca animalcunahuan pacta causangui. Huagraman shinami quihuata caranga. Jahua pachamanta tamya urmashpami canta jucuchinga. Chashnami canca cai pacha mandaccunataca jahua pacha Dios mandac cashcata, shinallatac cai pacha llactacunata mandanata piman cusha nishpaca cuclla cashcata yachangacaman canchis huatata chashna causangui.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

ROMANOS 13:1

Tucui mandaccunaca Dios churashcami. Chaimanta tucui mashna paicunataca cazuichic.

1 CORINTIOS 1:28

Jatun yachaccunata yangapi churangapacmi, cai pachapi mana alli nishca, imapacpish mana valichishca yangalla gentecunata Diosca acllashca.

1 TIMOTEO 5:21

Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

APOCALIPSIS 4:8

Chai chuscu causaita chariccunaca tucuimi sucta alasta charirca. Canzhamanpish, ucumanpish ñahui murucuna jundami carca. Chaicunaca tutapish, punzhapish mana shaicushpami: «¡Tucui imatapish ruhuac Mandac Dioslla, canca jucha illac, jucha illac, jucha illacmi cangui! Canllatacmi carcangui, canllatacmi cangui, shinallatac canllatacmi shamungui» nishpami, alli nicurca.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.