DANIEL 3:1 - Dios Rimashcata Quillcashcami

¹ Jatun mandac Nabucodonosormi curimanta shuc runaman ricchata ruhuarca. Chaica altomanca ishcai chunga canchis metro, anchomanca ishcai metro, canchis chunga centimetromi carca. Chai runaman ricchataca Babilonia llacta Dura pambapimi shayarirca.

DANIEL 3:1 Iomraidhean Croise

1 REYES 12:28

Chashna yuyarishcata shuccunaman parlacpi, paicuna alli nicpimi, jatun mandac Jeroboamca curimanta ishcai becicunata ruhuashpa israelcunataca: «¡Cancuna, Jerusalenman huichai rinaca mana allichu! ¡Cancunapac dioscunaca caipimi! ¡Paicunami cancunataca Egiptomanta llucchimurca!» nirca.

ESTER 1:1

Jatun mandac Asueroca India llactamanta, Etiopía llactacamanmi patsac ishcai chunga uchilla llactacunata mandacurca.

SALMOS 135:15

Shuc llactacunapi causaccunapac dioscunaca runacuna paicunapac cullquimanta, curimanta ruhuashcallami.

ÉXODO 20:23

Chaimanta ñucapac randi, cullquimanta, curimanta yanga dioscunata ama ruhuanguichicchu.

ÉXODO 32:31

Chashna nishpa, Moisés Mandac Diospac ñaupaman rishpa mañashpaca: —Israelcunaca curimanta diosta ruhuashpami, jatun juchata ruhuashca.

ISAÍAS 2:20

Chai punzhapimi runacunaca paicunallatac adorangapac cullquimanta, curimanta ruhuashca dioscunataca ucuchacuna, mashucuna causachun shitanga.

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 46:6

Curita mochilamanta llucchishpami cullquita balanzapi pezan. Chai quipaca cullquimanta imata ruhuac runaman cushpami, shuc diosta ruhuachin. ¡Chai diospac ñaupapi cumurishpami adoran!

JEREMÍAS 10:9

Paicunaca Tarsis llactamantaca cutashca cullquita, Ufaz llactamantaca curitami apamun. Shina apamucpimi, cullquita yacuyachic runaca allichishpa shuc diosta ruhuan. Chashna ruhuashpa, azul, yana, puca churanata churachin. Tucui chaicunaca yachac runacuna ruhuashcallami.

JEREMÍAS 16:20

¿Runaca paipac dioscunataca ruhuai pudinchu? Ashtahuanpish chaicunaca mana dioscunachu» ningami.

DANIEL 2:48

Chaimantami jatun mandacca Danielta alli nishpa, sumaccunata curca. Shinallatac Babilonia llactata mandac cachun, chai llactapi causac yachaccunatapish mandac cachunmi churarca.

DANIEL 2:49

Danielca jatun mandacmanca Sadracta, Misacta, Abed-negota, Babilonia llactata mandacta ayudachun churachunmi mañarca. Cutin Danielca jatun mandac tiyanapimi saquirirca.

DANIEL 3:14

Nabucodonosorca paicunataca: —Sadrac, Misac, Abed-nego, cancuna ñuca diostapish, ñuca curimanta ruhuashca runaman ricchatapish mana adorac nishcatami uyani.

DANIEL 3:30

Chai quipami jatun mandacca Sadracta, Misacta, Abed-negota tucui Babilonia llactata mandachun churashpa, allita pusharca.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

DANIEL 5:4

Chashna ubiashpami curimanta, cullquimanta, fierromanta, rumimanta, caspimanta ruhuashca dioscunata alabarca.

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

OSEAS 8:4

Paicunaca manapish ñuca acllashca jatun mandaccunatami churarca. Shuctac mandaccunata churashcatapish ñucaca mana yachashcanichu. Paicunallatac llaqui tucungapacmi cullquimanta, curimanta dioscunata ruhuarca.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.

HECHOS 17:29

Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

APOCALIPSIS 9:20

Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.